რეზონანსი
13.10.2021

პარტიის "ლელო საქართველოსთვის" პოლიტიკური საბჭოს წევრმა საბა ბუაძემ "ნაციონალური მოძრაობის" 14 ოქტომბერს დანიშნულ მიხეილ სააკაშვილის მხარდამჭერ აქციაზე ისაუბრა და თქვა, რომ ახლა ოპოზიციის ინტერესებში მეორე ტურებში დამაჯერებელი გამარჯვების მიღწევაა.

"ახლა გადამწყვეტი მნიშვნელობა აქვს მეორე ტურებს, რომელიც 20 ქალაქში არის დანიშნული მერების ნაწილში, ხოლო საკრებულოების ნაწილში 30 მუნიციპალიტეტში და მეორე ტური არის ის ნაბიჯი, რომელსაც შეუძლია ხელისუფლების ცვლილებასთან მიგვიყვანოს. მეორე ტურებში ოპოზიციის გამარჯვება, ამ ქვეყანაში არის პოლიტიკური დევნის დასასრული,"-აღნიშნა "დღის კურიერში" საბა ბუაძემ.

ასევე, ის მიიჩნევს, რომ მიხეილ სააკაშვილის ბრალდება სამართლიანმა სასამართლომ უნდა დაადასტუროს, რომელსაც ექნება საზოგადოების და საერთაშორისო პარტნიორების ნდობა. 

"მურუსიძის და ჩინჩალაძის სასამართლოს ვერ ექნება ნდობა და ეს არის ის სასამართლო, რომელიც სააკაშვილის ხელისუფლებაში ყოფნის დროს აეწყო, თავისი ბოლშევიკური შინაარსით, რომელსაც შეუძლია ადამიანის პატივი და ღირსება გაანადგუროს. ეს ხდებოდა როგორც 2012 წლამდე, ისე 2012 წლის შემდეგ," - აღნიშნა ბუაძემ. 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×