რეზონანსი
19.10.2021

„სააკაშვილის მიერ მოწყობილი მასკარადი შეურაცხმყოფელია. ის ცდილობს საზოგადოების მოტყუებას და შეურაცხყოფას აყენებს ჩვენს მოსახლეობას“, - ამის შესახებ საქართველოს პრემიერ-მინისტრმა, ირაკლი ღარიბაშვილმა ბათუმში, ჟურნალისტებთან საუბრისას განაცხადა.

ის მსჯავრდებულ და ბრალდებულ ექსპრეზიდენტს სიმულანტსა და აფერისტს უწოდებს.

„ისაა ჩვეულებრივი სიმულანტი, პროფესიონალი აფერისტი კაცი, რომელიც, ვითომ, შიმშილობს და მეორე მხრივ, უნდა, ჩვენ, ყველამ ვილაპარაკოთ მის დიეტასა თუ შიმშილობაზე. ეს არის სამარცხვინო სიტუაცია. დავამთავროთ ეს არჩევნები და გადავიდეთ საქმის კეთებაზე. ყველას ვეუბნები სრული პასუხისმგებლობით, არავის, ამ ქვეყანაში, არ მივცემთ პროვოკაციების მოწყობის საშუალებას. მან და მისმა გუნდმა, მელიამ და ყველამ, ერთხელ უკვე დაანგრიეს ჩვენი ქვეყანა, დაჩაგრეს და აწამეს, გაანადგურეს ჩვენი მოსახლეობა. ამის მეორედ გაკეთების უფლებას ჩვენ არავის არ მივცემთ“, - აღნიშნა ირაკლი ღარიბაშვილმა.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×