რეზონანსი
22.10.2021

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე რამდენიმე ოპოზიციური პარტიის მიერ წარდგენილ ე.წ. ჩრდილოვან კაბინეტზე საუბრისას ამბობს, რომ ამ ფაქტით დასტურდება, რომ უმცირესობაში მყოფი პოლიტიკური ძალები შეგუებულნი არიან, რომ მე-2 ტურში მარცხისთვის არიან განწირულნი. მიხეილ სარჯველაძე ოპონენტების გადაწყვეტილებას უპერსპექტივოს უწოდებს.

"ჩრდილოვანი კაბინეტი მეტად ოპოზიციის მხრიდან პოლიტიკის განხორციელების ერთგვარი ხერხია, ასე ვთქვათ. მე ვფიქრობ, ეს ადასტურებს იმას, რომ ისინი შეგუებულნი არიან იმას, რომ რეალურად მარცხისთვის არიან განწირული.

რაც შეეხება საკითხს, რატომ ვფიქრობ რომ ეს უპერსპექტივოა, ამის საფუძველს მაძლევს რა თქმა უნდა ის განწყობები, რომელიც საზოგადოებაში არსებობს, ამის ანალიზს ყველა ვაკეთებთ. მე მიმაჩნია, რომ მაგალითად, ბატონ კალაძეს, მე ვფიქრობ აქვს გარდაუვალი გამარჯვების პერსპექტივა და ეს გამორიცხავს მელიას გამარჯვების შესაძლებლობას. ჩემთვის გასაკვირია, პირველი ტურში რატომ ვერ შედგა გამარჯვება, სიმართლე გითხრათ, მაგრამ ეს ახსნადია გარკვეულწილად. მაგრამ, ახლა მეორე ტურისთვის, როდესაც ორი კანდიდატია პირისპირ დარჩენილი, ჩემთვის კითხვის ნიშანი არ არსებობს გამარჯვების პერსპექტივებთან დაკავშირებით," - აცხადებს მიხეილ სარჯველაძე.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×