რეზონანსი
23.10.2021

ის, რაც ხდებოდა დღეს ბათუმში - ეს არაა თავდადება, ეს არაა რევოლუციური განწყობა. ეს არის 500-600 ოცლარიანი აქტივისტის 2-3 საათიანი მობილიზება აჭარის უკლებლივ ყველა რაიონიდან, - ასე ეხმიანება ექსპერტი დავით ქართველიშვილი „ერთიანი ნაციონალური მოძრაობის“ მიერ დაგეგმილ აქციას, სადაც მანიფესტანტების მცირე რაოდენობა შეიკრიბა.

ქართველიშვილის თქმით, ქვეყნის სტაბილურობას და წინსვლას ვერც 20 ლარში გაცვლი და ვერც 30 ვერცხლად გაყიდი.

„მე, თუ რევოლუციის მოწყობაში მონაწილეობის მიღებას დავაპირებ, ფიზიკურად და სულიერად ნაწამები უნდა ვიყო, ხოლო ჩემი რევოლუციური განწყობის ობიექტი - ჩემი, ჩემი ოჯახის, ქვეყნისა და სახელმწიფოს მწამებელი უნდა იყოს. მშიერი, რომ ვიყო, ან ნახევრადშიშველი, ჩემიანების დასაცავად თავდადება უნდა მიღირდეს და მე ქუჩაში აუცილებლად გავვარდები. და, რა თქმა უნდა, - ამაში 20 ლარს არ ავიღებ. არც ოცდახუთს.

ის, რაც ხდებოდა დღეს ბათუმში - ეს არაა თავდადება, ეს არაა რევოლუციური განწყობა. ეს არის 500-600 ოცლარიანი აქტივისტის 2-3 საათიანი მობილიზება აჭარის უკლებლივ ყველა რაიონიდან. და ამით რა? სტაბილურობას და წინსვლას ვერც 20 ლარში გაცვლი და ვერც 30 ვერცხლად გაყიდი. ამიტომ უნდა მივიდეთ არჩევნებზე“, - წერს ქართველიშვილი facebook-ზე.

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×