რეზონანსი
17.01.2022

ძალიან მხნედ არის - როგორც მითხრა, დაახლოებით ორი კვირის განმავლობაში მასთან არავინ ყოფილა შესული და ადეკვატური დიაგნოსტიკა არ მომხდარა,- ამის შესახებ საქართველოს მესამე პრეზიდენტის, მიხეილ სააკაშვილის ძმისშვილმა, ელენე სააკაშვილმა რუსთავის ციხიდან გამოსვლის შემდეგ ჟურნალისტებს განუცხადა.

როგორც მან აღნიშნა, დღეს მიხეილ სააკაშვილი ნორმალურ მდგომარეობაშია.

„პირველ რიგში, ძალიან მიხარია, რომ ბიძაჩემის ნახვა მოვახერხე, დაკავების შემდეგ პირველად შევედი. ვაშინგტონიდან ცოტა ხნის წინ ჩამოვედი. მას ამერიკაში ბევრი მეგობარი ჰყავს და მინდოდა, ბევრი მოკითხვის პირადად გადაცემა. ძალიან საინტერესო და თბილი შეხვედრა გვქონდა, ვისაუბრეთ სხვადასხვა თემაზე - გეოპოლიტიკურ თუ შიდაპოლიტიკურ საკითხებზე. ძალიან მხნედ არის. ოჯახს მისი ჯანმრთელობის მდგომარეობა ყველაზე მეტად გვადარდებს. იმედი მაქვს, ექიმი შესვლას და გასინჯვას მოახერხებს. როგორც მითხრა, დაახლოებით ორი კვირის განმავლობაში მასთან არავინ ყოფილა შესული და ადეკვატური დიაგნოსტიკა არ მომხდარა. მედიაზე გვქონდა საუბარი, ძალიან დიდი მადლობელია თქვენი (ჟურნალისტების) და ფიქრობს, რომ თქვენ რომ არა, ეს ქვეყანა კიდევ უფრო დიდ სიბნელეში იქნებოდა. მომეჩვენა, რომ დღეს ნორმალურ მდგომარეობაში იყო და მისი ასე ნახვა ძალიან გამეხარდა",- განაცხადა ელენე სააკაშვილმა.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×