რეზონანსი
22.05.2022

დათა ხოჭოლავა და „კოპენჰაგენი“ დანიის ჩემპიონია. ქართველი მცველის გუნდმა წარმატებას ქვეყნის სუპერლიგის ბოლო ტურის მატჩის მოგებით მიაღწია.

„კოპენჰაგენი“ საჩემპიონო ექვსეულის მე-10 ტურში „პარკენ არენაზე“ „ორჰუსს“ დაუპირისპირდა – ქართველის გუნდს ჩემპიონობის მოსაპოვებლად „ორჰუსთან“ ქულაც აწყობდა. ამჯერად ხოჭოლავა, რომელიც გუნდის ვიცე-კაპიტანია განაცხადში არ იყო, მისმა გუნდმა კი მეტოქე დამაჯერებლად დაამარცხა 3:0.

გაიმარჯვა „კოპენჰაგენის“ კონკურენტმა „მიდტიულანდმაც“, რომელმაც 3:2 სძლია „რანდერსს“, მაგრამ 65 ქულა დააგროვა, დედაქალაქის გუნდს სამი ქულით ჩამორჩა და „კოპენჰაგენი“ 68 ქულით ჩემპიონი გახდა – ისტორიაში მეთოთხმეტედ და ახალ ევროსეზონში ჩემპიონთა ლიგაზე ითამაშებს.

დათა ხოჭოლავა „კოპენჰაგენში“ სეზონის დასაწყისში დონეცკის „შახტარიდან“ გადავიდა – საქართველოს ნაკრების მცველმა დანიის ჩემპიონის შემადგენლობაში ჩემპიონატსა და ევროსარბიელზე 34 მატჩი ჩაატარა და 1 გოლის გატანა შეძლო.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2022 by Resonance ltd. . All rights reserved
×