რეზონანსი
18.08.2022

რადიოაქტიური ნივთიერებების უკანონო შეძენა-შენახვისა და 1,2 მლნ აშშ დოლარად გასაღების მცდელობის ფაქტზე დაკავებულ სამივე პირს აღკვეთის ღონისძიების სახით პატიმრობა შეეფარდა.

თბილისის საქალაქო სასამართლომ პროკურატურის შუამდგომლობა სრულად გაიზიარა. ბრალდებულთა ადვოკატების განცხადებით, მათი დაცვის ქვეშ მყოფების პატიმრობაში დატოვება არასაფუძვლიანია.

პროკურორის თქმით, შესაძლებელია ბრალდებულთა რაოდენობა გაიზარდოს. ასევე, როგორც ბრალდების მხარემ განაცხადა, არსებობს ეჭვი ერთ-ერთი ბრალდებულის მიმართ, რომ მისი ნათესავი ფიროსმანის ნახატის ორიგინალ ასლს ინახავს, რომლის რეალიზაციასაც გეგმავს და აღნიშნულ საქმეზე გამოძიება მიმდინარეობს.

საქართველოს სახელმწიფო უსაფრთხოების სამსახურის ანტიკორუფციული სააგენტოსა და კონტრდაზვერვის დეპარტამენტის თანამშრომლების მიერ, ოპერატიულ-სამძებრო და საგამოძიებო ღონისძიებების შედეგად, რადიოაქტიური ნივთიერებების უკანონო შეძენა-შენახვისა და გასაღების მცდელობის ფაქტზე სამი პირი დააკავეს.

საქმეზე წინასასამართლო სხდომა 12 ოქტომბერს გაიმართება.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×