„თვალში საცემია წონაში კლება, ძალიან შევშფოთდი“, - ამის შესახებ ახალქალაქისა და კუმურდოს მიტროპოლიტმა, მეუფე ნიკოლოზმა, საქართველოს ექსპრეზიდენტის მიხეილ სააკაშვილის ჯანმრთელობის მდგომარეობაზე საუბრისას განაცხადა.

როგორც მეუფე ნიკოლოზი აცხადებს, ასეთ მდგომარეობაში სააკაშვილი არასდროს უნახავს.

„ახლა რომ ვნახე, ძალიან შევშფოთდი. აბსოლუტურად თვალში საცემი არის წონაში კლება და ავადმყოფობის გამო წონაში დაკლება ძალიან ცუდი ნიშანია. რაც საავადმყოფოში გადაიყვანეს, 11 კილო დაიკლო. კარგი იქნება შესაბამისად უმკურნალონ. ამ მარხვაში ვაპირებ, რომ ვაზიარო. იმედია ყველაფერი კარგად იქნება“, - აცხადებს მეუფე ნიკოლოზი.