რუსეთის ფსევდორეფერენდუმებისთვის პასუხი უკრაინისთვის გაძლიერებული სამხედრო და ფინანსური დახმარება უნდა იყოს. ამის შესახებ უკრაინის პრეზიდენტმა ვოლოდიმირ ზელენსკიმ პირად "ტელეგრამ" გვერდზე დაწერა დიდი ბრიტანეთის პრემიერ-მინისტრ ლიზ ტრასთან საუბრის შემდეგ.

"ვესაუბრე დიდი ბრიტანეთის პრემიერ-მინისტრს ლიზ ტრასს. დიდი ბრიტანეთი ყოველთვის იყო უკრაინის მხარდაჭერის ერთ-ერთი ლიდერი. ველით ლონდონის ლიდერობას რუსეთის ფსევდორეფერენდუმების რეაქციაშიც. პასუხი უნდა იყოს მხოლოდ უკრაინის სამხედრო და ფინანსური მხარდაჭერის გაზრდა", - წერს ზელენსკი.