ჩვენ მტკიცედ ვგმობთ რუსეთის მიერ უკრაინის ოთხი რეგიონის უკანონო ანექსიას, - ამის შესახებ საგარეო ურთიერთობათა კომიტეტის თავმჯდომარე ნიკოლოზ სამხარაძე სოციალურ ქსელში წერს.

„ამ გადაწყვეტილებას საერთაშორისო ლეგიტიმაცია არ აქვს და ეწინააღმდეგება საერთაშორისო სამართლის პრინციპებს. სუვერენული ერების ტერიტორიული მთლიანობა ხელშეუხებელია და საზღვრების ძალით შეცვლა დაუშვებელია", - წერს სამხარაძე „ტვიტერზე".

ვლადიმერ პუტინმა და სეპარატისტმა ლიდერებმა ხერსონის, ზაპოროჟიეს, დონეცკისა და ლუგანსკის ოკუპირებული ტერიტორიების რუსეთის შემადგენლობაში შესვლის შესახებ „შეთანხმებებს" ხელი მოაწერეს. მანამდე, რუსეთის პრეზიდენტმა ხელი მოაწერა განკარგულებას უკრაინის ზაპოროჟიესა და ხერსონის ოლქების „დამოუკიდებლობის" აღიარების შესახებ.