ალბათ, სამომავლოდ, უნივერსიტეტებში შესაძლებლობა იქნება, "ნაციონალური მოძრაობის" ხელისუფლებაში ყოფნა შეისწავლონ - თუ როგორი არ უნდა იყოს ხელისუფლება და შემდეგ - ოპოზიცია, - ამის შესახებ "პოსტივის" ეთერში, "დიდ გადაცემაში" მოძრაობა "ხალხის ძალის" ერთ-ერთმა ლიდერმა, მიხეილ ყაველაშვილმა განაცხადა.

მისი თქმით, ქვეყნის მოწინააღმდეგე ძალებთან ბრძოლა ჯერ არ დასრულებულა.

"წარმოიდგინეთ, რა სიმახინჯესთან გვაქვს საქმე - დღემდე ამ ტექნოლოგიას მიჰყვებიან - საზოგადოება ტყუილებით შეჰყავთ შეცდომაში; თითქოს, ოპოზიცია წამებულია და ბიძინა ივანიშვილი ამ ქვეყანაში რაიმეს აფერხებს. ამიტომაც ისმის სპეკულაციები დეოლიგარქიზაციაზე და ა.შ. ამ საშინელებებთან ბრძოლა არ მორჩენილა. ეს ქართველი ხალხის ღირსების საკითხია!," - განაცხადა ყაველაშვილმა