თურქეთის საგარეო საქმეთა მინისტრმა, მევლუთ ჩავუშოღლუმ განაცხადა, რომ ფინეთმა თურქეთს იარაღის ემბარგო უნდა მოუხსნას.

ფინეთმა და შვედეთმა ნატოში გაწევრიანება მოითხოვეს, თუმცა თურქეთმა უარი თქვა მათი განაცხადის მხარდაჭერაზე მანამ, სანამ რამდენიმე მოთხოვნა არ დაკმაყოფილდებოდა, მათ შორის ქურთული დაჯგუფებების წინააღმდეგ უფრო მკაცრი პოზიციის დაფიქსირება და თურქეთისთვის იარაღის გაყიდვის აკრძალვის მოხსნა.

„მნიშვნელოვანია, რომ ფინეთის თავდაცვის მინისტრი თურქეთში ჩამოდის, რადგან ჯერ არ ყოფილა განცხადება ფინეთიდან, რომ მათ გააუქმეს იარაღის ემბარგო. ველოდებით მათგან ასეთ განცხადებას", - აღნიშნა თურქეთის საგარეო უწყების ხელმძღვანელმა.