თელავის მუნიციპალიტეტის სოფელ ართანიდან 16 კილომეტრში, ტყეში ხანძარია. ცეცხლი, სავარაუდოდ, ტყის ქვედა ფენას, ხმელ ფოთოლს და ბალახს უკიდია.

თელავის მერის წარმომადგენლის, სიმონ მაისურაძის თქმით, ხანძრის კერა ალპურ ზონაში, სოფლიდან 4 საათის სავალზეა. რელიეფიდან გამომდინარე, ადგილზე მისვლა მხოლოდ ფეხით არის შესაძლებელი.

„ხანძარი საღამოს შევნიშნეთ და სამაშველოს ვაცნობეთ. მობილიზებულები ვართ. სოფლიდან 20-მდე მოხალისე სამაშველო სამსახურს შევუერთდებით. დილის 7 საათზე გავალთ", - განაცხადა მაისურაძემ.

ხანძრის გამომწვევი მიზეზი ჯერჯერობით უცნობია.

წყარო: „პირველი არხი"