რეზონანსი
01.02.2023

რეალურად, მიხეილ სააკაშვილი, რომელიც აცხადებს, რომ არ აინტერესებს ქართული პოლიტიკა, ყველაზე უფრო აქტიური და ერთადერთი ადამიანია, ვინც მართლა პოლიტიკაშია ჩართული, - ამის შესახებ ლევან იოსელიანმა „ქრონიკაში" განაცხადა. „მოქალაქეების" ერთ-ერთი ლიდერის თქმით, ექსპრეზიდენტი მისი ჯანმრთელობის მდგომარეობის საკითხით მაქსიმალურ ზეწოლას ახორციელებს ხელისუფლებაზე და აქედან გამომდინარე, მოქმედებს როგორც პოლიტიკოსი.

„ყველას ძალიან კარგად გვესმის, რომ მიხეილ სააკაშვილი არის „ნაციონალური მოძრაობა" და „ნაციონალური მოძრაობა" უდრის მიხეილ სააკაშვილს. არც ლევან ხაბეიშვილს და არც სხვა ლიდერებს იმის მეასედი ლეგიტიმაცია და მხარდაჭერა არ აქვთ, რაც სააკაშვილს აქვს. მიხეილ სააკაშვილი რომ მართლა გაემიჯნოს „ნაციონალურ მოძრაობას" და პოლიტიკას, სრულიად განსხვავებულ პროცესებს მივიღებთ. ამ პარტიისგან, ჩემი აზრით, უბრალოდ არაფერი დარჩება. მაგრამ სააკაშვილი რჩება ამ პარტიაში, რჩება ამ პარტიის არაფორმალურ ლიდერად და ახორციელებს სერიოზულ ზეწოლას მმართველ პარტიაზეც, ხელისუფლებაზეც. ამას აკეთებს საგარეო ფრონტითაც, საკმაოდ ეფექტურად და შიგნითაც", - მიიჩნევს იოსელიანი.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×