საკრებულოში ოპოზიციონერი დეპუტატის ცემის შემდეგ გლდანში ნაციონალური მოძრაობის ლიდერები მივიდნენ, სადაც დაპირისპირება მოხდა პოლიციელებთან.

შსს-ს წარმომადგენლებმა ნიკა მელია დააკავეს.

შეგახსენებთ, გლდანში, თბილისის საკრებულოს ოპოზიციონერ დეპუტატს ირაკლი ეძგვერაძეს და მის მეგობრებს რამდენიმე ათეულმა მოძალადემ ხელკეტებითა და ბლაგვი საგნებით სასტიკად სცემა. თავდასხმა მოულოდნელად მოხდა საცხოვრებელი კორპუსის სადარბაზოსთან, იმ დროს როდესაც საკრებულოს დეპუტატი სხდომის შემდეგ სახლში ბრუნდებოდა.