რეზონანსი
11.07.2024

აშშ-ის პრეზიდენტის ჯო ბაიდენის ადმინისტრაციამ ისრაელისთვის 500-ფუნტიანი ავიაბომბების მიწოდება აღადგინა, თუმცა 2 000-ფუნტიანი ბომბების მიწოდებისგან ჯერ ისევ თავს იკავებს, რადგან ეშინია, რომ მისი გამოყენება მჭიდროდ დასახლებულ ღაზას სექტორში მოხდება. ინფორმაციას ამის შესახებ სააგენტო როიტერსი აშშ-ის ოფიციალურ წარმომადგენელზე დაყრდნობით ავრცელებს.

ამერიკამ ისრაელისთვის 2 000 და 500-ფუნტიანი ავიაბომბების მიწოდება მაისში შეაჩერა, რადგან ეშინოდა, რომ მათი გამოყენება ღაზას სექტორში სავალალო შედეგებს გამოიწვევდა. აშშ-ის პრეზიდენტის ადმინისტრაციის შეშფოთებას განაპირობებდა ის ფაქტი, რომ ისრაელი ასეთი ტიპის ბომბებს რაფაჰის დასახლებულ პუნქტში იყენებდა, სადაც მილიონზე მეტი პალესტინელი აფარებს თავს.

„ჩვენ ნათლად მივანიშნეთ, რომ 2 000-ფუნტიანი ბომბების გამოყენება, განსაკუთრებით რაფაჰში, გვაშფოთებს, თუმცა, როგორც მათ თქვეს, იქ ოპერაცია დასრულებულია", - ციტირებს სააგენტო ამერიკელ ჩინოვნიკს, რომელიც თავის ვინაობას არ ამხელს.

ერთ 2 000-ფუნტიან ბომბს ბეტონის ან ლითონის სქელი ზღუდის გარღვევა და აფეთქების დიდი რადიუსის შექმნა შეუძლია.

ისრაელის პრემიერ-მინისტრმა ბენიამინ ნეთანიაჰუმ ივნისში განაცხადა, რომ ვაშინგტონი მას იარაღს არ აწვდის და სთხოვა, რომ ამერიკელ მაღალჩინოსნებს ეს სიტუაცია გამოესწორებინათ.

ვიდეო რეკლამა

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია
ვიდეო რეკლამა

Copyright © 2006-2024 by Resonance ltd. . All rights reserved
×