მთავარი არხის ერთ-ერთი თანადამფუძნებლის, გიორგი რურუას თქმით, სახელმწიფო უსაფრთხოების სამსახურში გამოკითხვაზე ტერორიზმის გარეშემო კითხვა არ დასმულა. რურუამ ჟურნალისტებთან კომენტარი გამოკითხვის დასრულების შემდეგ გააკეთა. 

"ყავაზე მკითხაობაზე რომ იყოს მუხლი, იგივეა ზუსტად. არანაირი ტერორიზმის გარშემო კითხვა არ ყოფილა. ეს იყო ყავაზე მკითხაობა, მეტი არაფერი" - ამბობს რურუა. 

გიორგი რურუა სუს-ში გამოკითხვაზე გუშინ, 5 ნოემბერს დაიბარეს. როგორც რურუა წერს, საქმე სახელმწიფო გადატრიალებისა და ძალადობრივი დამხობის მუხლებით მიმდინარეობს.