უკრაინაში მებრძოლი და ბოლო დროს სამოქალაქო აქტივისტად გადაქცეული ნადიმ ხმალაძე შემდეგი სახის მიმართვას ავრცელებს:

"ფონდები დააყადაღეს, დავრჩით პირისპირ რეკეტიორებთან. დარჩათ ქონების წართმევა. ჩემს სასამართლო დადგენილების გადახდის ვადა ამოიწურა. ახლა აღსრულების ბიურო დამიყადაღებს სახლკარს და ბოლოს აუქციონზე გაყიდიან, რადგან ყველა ჯარიმა თუ აამოქმედეს ჩემი ბინა არც ეყოფა. ახლა 5000–იც გადასახდელია უკვე.

ვკითხულობ, ბატონო ოპოზიციავ, ყველას არ ეხება ეს, რას ვაკეთებთ, ჩვენ ვრჩებით უსახლკარო და თქვენ საუბარი გაქვთ ადგილობრივ არჩევნებზე? ჩვენ ვკარგავთ ბოლოს რაც გაგვაჩნია და თქვენ შეხვალთ და დაჯდებით ქოცების გადმოგდებულ რამდენიმე სკამზე, იცოდეთ სავარძელს არ დაგითმობენ, რადგან იმაზე მეტს დაიწერენ რაც 26 ოქტომბერს დაიწერეს და ძვალს გადმოგიგდებენ მხოლოდ. ვერ გავიგე ჩვენ ვიბრძოლოთ, ქუჩაში ვიდგეთ და თქვენ შეხვედრებს ვუყუროთ, როგორ მიიღოთ მონაწილეობა წინასწარ წაგებულ არჩევნებში?" - დაწერა ნადიმ ხმალაძემ.