სულ მალე დაინიშნება პირდაპირი რეისები ბელგრადსა და თბილისს შორის, რაც ხელს შეუწყობს ტურიზმის განვითარებას, - განაცხადა დარგობრივი ეკონომიკისა და ეკონომიკური პოლიტიკის კომიტეტის თავმჯდომარის პირველი მოადგილემ ირაკლი მეზურნიშვილმა საქართველოს საპარლამენტო დელეგაციის წევრებისა და სერბეთის ევროინტეგრაციის კომიტეტის თავმჯდომარის შეხვედრის დასრულების შემდეგ.

მისი თქმით, სერბეთთან პირდაპირი რეისები გაზრდის ტურისტთა ნაკადს.

„სულ მალე დაინიშნება პირდაპირი რეისები ბელგრადსა და თბილისს შორის. ეს ხელს შეუწყობს ტურიზმის განვითარებას. ამ მიმართულებით არის ძალიან დიდი პოტენციალი. მოგეხსენებათ, ძალიან ბევრი საერთო აქვს ჩვენ ორ ქვეყანას და ვფიქრობ, რომ პირდაპირი რეისები მკვეთრად გაზრდის ტურისტების რაოდენობას, როგორც სერბეთიდან საქართველოს მიმართულებით, ასევე, საქართველოდან სერბეთის მიმართულებით", - განაცხადა ირაკლი მეზურნიშვილმა.