ელზა პაპოშვილი
07.06.2021

შემზარავი ფაქტი საქართველოში - ბაბუა შვილიშვილის სექსუალურ ძალადობაშია ბრალდებული. ირკვევა, რომ მოხუცი, სავარაუდოდ, 10-წლამდე გოგონას მიმართ გარყვნილ ქმედებას სისტემატიურად ჩადიოდა. 

არასრუწლოვანის დედამ გაუსაძლისი სოციალური პირობების გამო შვილები ბებიასთან და ბაბუასთან  დატოვა, თავად კი ემიგრაციაში სამუშაოდ წავიდა. თუმცა, მათთან ერთად სახლში  მამაც იმყოფებოდა. გოგონა პოლიციას შემზარავ ფაქტებს უყვება და ამბობს, რომ მასზე 60 წლის ბაბუა სისტემატიურად ძალადობდა. 

ოჯახი აჭარის ერთ-ერთ რეგონში ცხოვრობს და პოლიციას ამ შემზარავი ფაქტის შესახებ ბავშვის დედამ აცნობა. უცხოეთიდან დაბრუნებულ დედას ბავშვმა სახლში არსებულ მძიმე სიტუაციაზე უამბო და უთხრა, რომ ბაბუის მხრიდან სექსუალური ძალადობის მსხვრეპლია და სახლში დარჩენა აღარ უნდოდა. 

გამოძიება მომხდარს რამდენიმე თვის განმავლობაში იკვლევდა, მტკიცებულებების შემდეგ  კი მოხუცის დაკავების გადაწყვეტილება მიიღეს.

ბავშვის ინტერესების დამცველი თამარ ლუკავა კი „რეზონანსთან“ ამბობს, რომ ბავშვის დედამ მათთან დარეკა და დახმარება ითხოვა. შეშინებული იყო, რადგანაც ოჯახში ძალადობის მსხვერპლი თავადაც არაერთხელ  გამხდარა. საბოლოოდ კი მათ პოლიციაში დარეკვა ურჩიეს. 

„პოლიციაში დედამ დარეკა და ოჯახში ბავშვზე ძალადობის და გარყვნილი ქმედების შესახებ აცნობა. დედა საქართველოში არ ცხოვრობს და ბავშვებს ბებია და ბაბუა ზრდიდნენ. ოჯახში მძიმე ეკონომიური მდგომარეობის გამო მან ემიგრაციაში წასვლა და მუშაობა გადაწყვიტა. 

“მას შემდეგ რაც დედა საქართველოში დაბრუნდა, გოგონამ მას ყველაფერი უამბო. დედამ საცხოვრებელი სახლიდან ბავშვი მაშინვე წამოიყვანა და ჩვენ დაგვირეკა, რათა გვერჩია რა ექნა. ჩვენ კი მაშინვე პოლიციისთვის მიმართვა ვურჩიეთ. ბავშვს დედმამიშვილიც ჰყავს და ვცდილობდით ისიც გამოგვეყვანა, მაგრამ თავად ბავშვმა უარი თქვა“,-ამბობს ადვოკატი „რეზონანსთან“. 

რაც შეეხება ბავშვების მამას, როგორც ცნობილია ბავშვებთან ერთად ცხოვრობდა.  ოჯახიდან ბავშვებზე ძალადობის ან ცემის ფაქტი არასდროს დაფიქსირებულა. 

სტატიების ნახვა შეგიძლიათ რუბრიკაში "ყველა სტატია"

ყველა ახალი ამბის ნახვა შეგიძლიათ ამ ბმულზე

საინტერესო ვიდეოები შეგიძლიათ იხილოთ რუბრიკაში "ყველა ვიდეო"

ბოლო ამბების ნახვა შეგიძლიათ ამ ბმულზე

ლიცენზია

Copyright © 2006-2021 by Resonance ltd. . All rights reserved
×