ყოფილი თანამებრძოლების ვირტუალურმა პოლემიკამ ბოლო რამდენიმე კვირაში პიკს მიაღწია. ძველი წყენების გახსენებით, „ომის რიტორიკაში" დადანაშაულებითა და სავარაუდო მილიონიან გარიგებებზე მინიშნებებით, ექსპრეზიდენტმა მიხეილ სააკაშვილმა და „ახალის" ლიდერმა ნიკა გვარამიამ კიდევ ერთხელ დაამტკიცეს, რომ ოპოზიციურ ფლანგზე მთავარი სამიზნე ხშირად ისევ გვერდით მჯდომი, ყოფილი მოკავშირეა.

ექსპრემიერი ირაკლი ღარიბაშვილის საკნიდან გამოქვეყნებული წერილი, სადაც ის ბრძოლის გაგრძელებას აანონსებს, პოლიტიკური განხილვის ეპიცენტრშია, მმართველი გუნდი ღარიბაშვილის წერილს, ხელისუფლების დისკრედიტაციის მცდელობად აღიქვამს და აღნიშნავენ, რომ წერილები ბევრ ეჭვს ბადებს, ოპოზიციონერები კი მმართველ გუნდში შიდა დაპირისპირების ნიშნებს ეძებენ.

ირაკლი ღარიბაშვილმა პატიმრობიდან მეორე წერილი გაავრცელა. მასში ექსპრემიერი მამუკა მდინარაძეს ახსენებს და აცხადებს, რომ „წითელი ხაზების" გადაკვეთისა და შექმნილი ვითარების გამო იძულებულია, პოლიტიკური ბრძოლა დაიწყოს. ექსპერტთა შეფასებით, წერილი მიანიშნებს მის მცდელობაზე, პოლიტიკაში დაბრუნდეს და თავი რეპრესიების მსხვერპლად წარმოაჩინოს.

ყოფილი პრემიერ-მინისტრის, ირაკლი ღარიბაშვილის წერილმა, რომელიც სოციალურ ქსელში ორშაბათს გავრცელდა, პოლიტიკური კულუარებიდან პროცესები ღია საჯარო სივრცეში გადმოიტანა. რა იმალება ამ გზავნილების მიღმა, რამდენად შორს შეიძლება წავიდეს შიდა დაპირისპირება და რა გავლენას მოახდენს ეს „ქართული ოცნების" რეპუტაციასა და მომავალზე - ამაზე „რეზონანსს" ანალიტიკოსი რამაზ საყვარელიძე ესაუბრა.

ოპოზიციის ალიანსში ხმაურიანი შიდა დაპირისპირების შემდეგ, ვრცელდება ინფორმაცია, რომ ეს გაერთიანება საბოლოოდ დაიშალა. ამას ოფიციალურად ჯერ არავინ ადასტურებს, მაგრამ არც უარყოფს. ალიანსში შემავალ პარტიებს შორის უთანხმოების გამო, ექსპერტები ამ გაერთიანების პერსპექტივას თავიდანვე სკეპტიკურად უყურებდნენ და მიიჩნევენ, რომ მისი დაშლა, თუკი ეს მართლაც მოხდა, სავსებით ლოგიკურია.

ყოფილი პრემიერ-მინისტრი, პატიმრობაში მყოფი ირაკლი ღარიბაშვილი განცხადებას ავრცელებს და წერს, რომ „დღეიდან მისი და მისი ოჯახის უსაფრთხოებაზე სრული პასუხისმგებლობა ეკისრება ბიძინა ივანიშვილს და მთელ ხელისუფლებას". როგორც ირაკლი ღარიბაშვილი აცხადებს, ხვალ ვრცელ წერილს გაავრცელებს.

საქართველოს ხელისუფლება, ევროკავშირის მიერ ირანის წინააღმდეგ მიღებულ სანქციებს არ შეუერთდა, მიზეზად ქვეყნის ეროვნული ინტერესები დაასახელა. ქვეყნის საგარეო ფლანგზე კიდევ ერთი გადაწყვეტილება კითხვებს აჩენს, თუ საგარეო პოლიტიკის რა სტრატეგია აქვს "ქართულ ოცნებას"

აფხაზეთში საწვავის შეტანის საკითხი ისევ შიდა პოლიტიკის ცენტრშია მოქცეული. სანამ ოპოზიცია ხელისუფლებას კორუფციულ სქემასა და სანქციების გვერდის ავლით რუსეთის დახმარებაში ადანაშაულებს, რასაც ექსპრეზიდენტ სააკაშვილის ცნობებიც ემატება მოსკოვთან ფარულ გარიგებებზე, მმართველი გუნდი ბიზნესის თავისუფლებაზე საუბრობს და აცხადებს, რომ პროცესი სრულად კანონიერია.

"კოალიცია ცვლილებების" ლიდერის, ნიკა გვარამიას მიერ ყარაბაღის თემაზე გაკეთებულმა განცხადებამ, ქართულ პოლიტიკურ სივრცეში ახალი მწვავე დისკუსია გამოიწვია. "ქართული ოცნების" ლიდერებმა განცხადებას მოღალატეობრივი უწოდეს, ნეგატიური შეფასებები მოჰყვა ოპოზიციაშიც.

საქართველოს კონტროლირებადი ტერიტორიიდან აფხაზეთში გარკვეული ტვირთების შეტანა მუდმივად ხდება, თუმცა ეს აფხაზურს საზოგადოებაშ ზოგჯერ იწვევდა პროტესტს და სკანდალს. ახლა კი აფხაზეთში საწვავის შეტანა სოხუმში ძირითადად უარყოფითად აღიქვეს. ამის შესახებ „რეზონანსთან" კავკასიის საკითხებში ექსპერტი მამუკა არეშიძე საუბრობს, რომლის აზრითაც ამ საკითხზე აჟიოტაჟი ხელოვნურადაა ატეხილი.

ოპოზიცია ცდილობს აფხაზეთში საწვავის შეტანის ფაქტი ანტისახელისუფლებო განწყობის გასაძლიერებლად და მასშტაბური ანტისაოკუპაციო აქციის მოსაწყობად გამოიყენოს. მათი შეფასებით, ეს იყო არა ჰუმანიტარული აქტი, არამედ ოკუპანტ რუსეთთან თანამშრომლობა და მისთვის დახმარების გაწევა.

სკანდალური ჩვენება საქალაქო სასამართლოში - ეკონომიკის სამინისტროს ყოფილმა მაღალჩინოსანმა რომეო მიქაუტაძემ სუს-ის ყოფილი ბოსის გრიგოლ ლილუაშვილის საქმეზე მძიმე და სენსაციური დეტალები გააჟღერა. მიქაუტაძე საკუთარ როლზეც ალაპარაკდა და განაცხადა, რომ ბიზნესმენებისგან „სახელმწიფო ინტერესების დაცვის" საბაბით აღებულ დიდი ოდენობით თანხებს თავად აგროვებდა და ლილუაშვილთან მიჰქონდა.