ბალტიისპირეთში უკრაინული ომის ეფექტი სულ უფრო მწვავედ იგრძნობა. ლატვიის საჰაერო სივრცეში მორიგი დრონის შეჭრამ და ნატო-ს მოიერიშეების მიერ მისმა ჩამოგდებამ რეგიონში უსაფრთხოების ზომების მაქსიმალური გამკაცრება გამოიწვია. არსებობს საფუძვლიანი ეჭვი, რომ მოსკოვმა შესაძლოა ჩამოგდებული დრონები მასშტაბური პროვოკაციისთვის გამოიყენოს.

სანამ ოპოზიციური ელექტორატი მორიგ სტრატეგიას ელოდება, მისი ლიდერები შექსპირისა და რუსთაველის პერსონაჟებით „ქარაგმულ ომში" ჩაებნენ: ნიკა გვარამია საზოგადოებას „ავთანდილობას" ურჩევს, ხოლო მიხეილ სააკაშვილი ციხიდან ახსენებს, რომ ლიტერატურულ ლაბირინთებში ხეტიალს „პირდაპირ თქმა სჯობს", რომ ქვეყნისთვის თავგანწირვა სისულელეა და მას პირდაპირვე არ დაეთანხმებოდნენ.

გერმანიის ახალი ელჩი საქართველოში ბარბარა ფოსი, რომელსაც დიპლომატიური საქმიანობის მრავალწლიანი გამოცდილება აქვს, თბილისში მოვალეობის შესრულებას შეუდგა. საქართველოსთან არსებული დაძაბული ურთიერთობის ფონზე, ელჩის პირველი გზავნილი ასე გამოიყურება - ბერლინი კრიტიკულად აფასებს მიმდინარე ვითარებას, თუმცა საქართველოს დემოკრატიული და პროევროპული კურსის მხარდაჭერას უცვლელად აგრძელებს.

ანსამბლ „სუხიშვილების" ხელმძღვანელ ნინო სუხიშვილის განცხადებას, რომ ოკუპაციის გამო ანსამბლი რუსეთში არ გაემგზავრება, საპარლამენტო უმრავლესობის მხრიდან კრიტიკა მოჰყვა. საპასუხოდ, მოქალაქეებმა პეტიცია შექმნეს, სადაც ხელისუფლებისგან „სუხიშვილების" დისკრედიტაციის გამო საჯარო ბოდიშსა და კულტურის სფეროს დამოუკიდებლობის პატივისცემას მოითხოვენ.

საქართველოს პარლამენტის ყოფილი წევრი, სასჯელაღსრულებისა და პრობაციის ექსმინისტრი, კახა კახიშვილი წყლის, ელექტროენერგიის, გაზის და ინტერნეტ-პროვაიდერი კომპანიების დასჯას იმ შემთხვევაში, თუ ისინი მომხმარებლების უფლებებს დაარღვევენ. ამაში განსაკუთრებული არაფერია, რადგან დემოკრატიულ ქვეყანაში, მომხმარებელსა და მიმწოდებელს შორის გაფორმებული ხელშეკრულება ორმხრივ პასუხისმგებლობას გულისხმობს და ის, რასაც კახიშვილი ითხოვს, აბსოლუტურად ბუნებრივია. სწორედ ამიტომ არსებობს ომბუდსმენი, როგორც კომუნიკაციების, ასევე ენერგეტიკის მარეგულირებელ ეროვნულ კომისიებში. სხვა საკითხია, რამდენად ეფექტურია ომბუდსმენი...

„კოალიცია ცვლილებებისთვის" ლიდერი ნიკა გვარამია საზოგადოებას მოუწოდებს, გაერთიანდეს და ერთობლივი მოქმედებით „ქაჯეთის ციხე" დაანგრიოს. მისი თქმით, ამისთვის არც უმოქმედებაა საჭირო და არც რეალობას მოწყვეტილი ბრძოლა, არამედ ცივი გონება, ფაქტებზე დაფუძნებული სტრატეგია და ორგანიზებული მოქმედება. მიიჩნევს, რომ როცა დრო ცოტაა და შედეგი სასიცოცხლოდ მნიშვნელოვანი.

გომის მთაზე მომხდარ ტრაგიკულ ავტოსაგზაო შემთხვევას ბელარუსის ოთხი მოქალაქე ემსხვერპლა, კიდევ 17 ტურისტი დაშავდა. მოსახვევში მძღოლმა მიკროავტობუსი ვერ დაიმორჩილა და ხევში გადავარდა. დაშავებულები ბათუმისა და ჩოხატაურის კლინიკებში გადაიყვანეს, მათ შორის ორი რეანიმაციაშია.

რუსეთის პრეზიდენტის ვიზიტმა სადავო კურილის კუნძულებზე ტოკიოს მკვეთრი პროტესტი გამოიწვია. ანალიტიკოსების თქმით, ამ დემარშით მოსკოვმა ტერიტორიულ დათმობებზე უარი საბოლოოდ დააფიქსირა და იაპონიასთან დიალოგი ჩიხში შეიყვანა. მათი შეფასებით, უკრაინის ომის ფონზე გაუარესებული ურთიერთობები რეგიონში შეიარაღების, სამხედრო წვრთნებისა და მუდმივი დაძაბულობის ზრდას მოასწავებს.

კოლუმბიაში ბოლო წლების ერთ-ერთი ყველაზე მასშტაბური, 7.4 მაგნიტუდის სიმძლავრის მიწისძვრა მოხდა. სტიქიას, სულ მცირე, 169 ადამიანი ემსხვერპლა, 900-ზე მეტი კი დაშავდა. ქვეყანაში გამოცხადებულია ეროვნული კატასტროფის მდგომარეობა. ვინაიდან სამაშველო ოპერაცია ნანგრევებში კვლავ გრძელდება, ხელისუფლება შიშობს, რომ დაღუპულთა რაოდენობა კიდევ გაიზარდება.

ოკუპირებულ აფხაზეთში საწვავის მწვავე კრიზისია - ბენზინგასამართ სადგურებთან მრავალსაათიანი რიგებია. პარალელურად, ოკუპირებულ რეგიონში წელს რუსი დამსვენებლების რეკორდულ ნაკადზე საუბრობენ - სწორედ იმ დროს, როდესაც შავი ზღვის სხვა კურორტები, მათ შორის სოჭი და ანექსირებული ყირიმი, უსაფრთხოებასთან და საწვავის ხელმისაწვდომობასთან დაკავშირებული პრობლემების გამო რუსი ტურისტებისთვის ნაკლებად მიმზიდველი გახდა.

მლეთაში გაუჩინარებული გურამ დადიანიძის ძებნის მე-4 დღეს, ტერიტორიაზე მძიმე ტექნიკას შეიყვანენ -12 წლის წინანდელი საქმის განახლებული საგამოძიებო მოქმედებების პარალელურად, ოჯახის ადვოკატი აცხადებს, რომ მეწყრის ვერსია გამორიცხულია, ხოლო საქმეში არსებული ახალი ვიდეოჩანაწერი მოწმეთა ჩვენებებს თავდაყირა აყენებს.

უკვე ცნობილია, რომ საწვავის დეფიციტის გამო, საქართველოს ოკუპირებულ ტერიტორიაზე, კერძოდ აფხაზეთში, საწვავი ქართულმა კომპანიებმა შეიტანეს. ეს ქვეყნის პრემიერ-მინისტრმა ირაკლი კობახიძემაც დაადასტურა და იქვე დასძინა, რომ "თუ საშუალება გვექნება, აფხაზეთის მოსახლეობას მდგომარეობა შევუმსუბუქოთ, ამას მომავალშიც აუცილებლად გავაკეთებთ „ოკუპაციის შესახებ კანონის“ სრული დაცვით". სხვათა შორის, აფხაზეთში საწვავის დეფიციტი პირდაპირ უკავშირდება რუსეთში შექმნილ კრიზისს, განსაკუთრებით რუსული ნავთობგადამამუშავებელი ქარხნების დაბომბვის შემდეგ. შესაბამისად, „რეზონანსი“ დაინტერესდა, აფხაზეთის ან იგივე, ჩრდილოეთ კავკასიის გავლით, ქართული ნავთობკომპანიები საწვავის რეექსპორტს ხომ არ გეგმავენ რუსეთში?