საქართველოს მთავრობის გადაწყვეტილებით, ქვეყნის მასშტაბით, მოდულური სკოლები განთავსდება. ამასთან დაკავშირებით, მუნიციპალური განვითარების ფონდმა 22 450 000 ლარის ღირებულების ტენდერი უკვე გამოაცხადა. ხელისუფლების ამ ინიციატივის მიზანია, ახალი სკოლების მშენებლობისა და არსებული სკოლების რეაბილიტაციის პერიოდში, მოსწავლეებისთვის უსაფრთხო, სრულად აღჭურვილი და სასწავლო პროცესისთვის შესაბამისი დროებითი სივრცეების დროულად შექმნა. „რეზონანსი“ დაინტერესდა, არის თუ არა მოდულური სკოლები პრობლემის გადაჭრის რეალური გზა და რა გარანტია არსებობს, რომ ტენდერით განსაზღვრული პირობები დროულად შესრულდება. 

ათასობით აბიტურიენტი წელს უნივერსიტეტის გარეშე დარჩა, რამაც საზოგადოებაში დიდი უკმაყოფილება და განათლების სისტემის მწვავე კრიტიკა გამოიწვია. შეფასებისა და გამოცდების ცენტრის განცხადებით, ჩარიცხულთა წილი აბიტურიენტთა გააზრებულ არჩევანზე მიუთითებს, თუმცა განათლების ექსპერტი მანანა ნიკოლაიშვილი აცხადებს, რომ ეს მასობრივი ჩარჩენა არა არასწორი არჩევანის, არამედ კვოტების შემცირებისა და ფაკულტეტების გაუქმების შედეგია და პასუხისმგებელ პირთა გადაყენებას ითხოვს.

გლობალურ ეკონომიკაში ცვლილებები, შუა დერეფნის პერსპექტივები, რუსეთთან და ცენტრალურ აზიასთან სავაჭრო-ეკონომიკური კავშირების გაფართოება და საერთაშორისო პარტნიორებთან ბალანსის პოვნა იყო მთავარი თემები მრგვალი მაგიდის „გლობალური ეკონომიკური კრიზისის გავლენა საქართველოზე".

ღარიბაშვილის ეპისტოლარული ეპოპეის პიკზე, მისმა დაუძინებელმა თანამებრძოლმა „ოცნებაში" გატარებული 10 წლის შემდეგ თანამდებობაც დატოვა და პოლიტიკაც. მამუკა მდინარაძემ, რომელსაც ბოლოს რეგიონული განვითარების მინისტრის პოსტი ეკავა, საგანგებო ბრიფინგზე განაცხადა, რომ ეს მისი პირადი გადაწყვეტილებაა, რომელიც ივანიშვილთან და კობახიძესთან შეთანხმებით მიიღო და ღარიბაშვილის ციხის წერილებთან არავითარი კავშირი არა აქვს. ამ, ბევრისთვის მოულოდნელმა გადადგომამ ბევრი ვერსია წარმოშვა, მათ შორის დომინირებს მოსაზრება, რომ ივანიშვილი პრემიერის გადაყენებასაც გეგმავს.

მმართველ გუნდთან დაპირისპირებულ ექსპრემიერს ირმა ინაშვილი „პატრიოტთა ალიანსში" გაწევრიანებასა და ერთობლივი პოლიტიკური ბრძოლის დაწყებას სთავაზობს. ინაშვილის თქმით, ღარიბაშვილი შიდაპარტიული კლანური დაპირისპირების მსხვერპლია. ექსპერტთა ნაწილი ამ შეთავაზებას არარეალურსა უწოდებს, ნაწილი კი მიიჩნევს, რომ იზოლირებული ექსპრემიერისთვის პროცესების ციხიდან მართვა პრაქტიკულად შეუძლებელია.

კიევი იერიშებს რუსეთის სიღრმეში, მსხვილ ეკონომიკურ და ლოგისტიკურ ობიექტებზე ამწვავებს, ხოლო საომარი მოქმედებების ეფექტი მეზობელი ევროპული ქვეყნების უსაფრთხოებას სულ უფრო მეტად ემუქრება.

მთავრობამ ადგილობრივი ბაზრის და ფერმერების დასაცავად კიდევ ერთი დადგენილება მიიღო. უფრო ზუსტად, მსხვილფეხა პირუტყვის საქართველოში იმპორტზე ახალი ვეტერინარული წესები ამოქმედდა. ცვლილება მთავრობის 21 აგვისტოს დადგენილებით უკვე დამტკიცდა და გამოქვეყნებისთანავე შევიდა ძალაში. სოფლის მეურნეობის დარგის სპეციალისტების განცხადებით, ეს ცვლილება სანაშენე მსხვილფეხა პირუტყვის უსაფრთხო შემოყვანას უკავშირდება, რაც მესაქონლეობის დარგის განვითარებას, ასევე ადგილობრივი ბაზრის დაცვას შეუწყობს ხელს. 

წელს სიმინდის ხარისხი გაუმჯობესდა, თუმცა მოსავალი შარშანდელთან შედარებით, შესაძლოა, შემცირდეს. ამის მიზეზი მოსავლის მოყვანის მაღალი თვითღირებულებაა, რაც ძირითადად დიზელის გაძვირებამ გამოიწვია. რეგიონებში ამბობენ, რომ ფაროსანასთან დაკავშირებული გამოწვევა დარგში დაძლეულია, რასაც სახელმწიფოს მიერ ჩატარებულმა ფაროსანას საწინააღმდეგო ღონისძიებებმა შეუწყო ხელი, თავის მხრივ მოსახალეობამაც შეძლებისდაგვარად მოუარა ნატეს ფართობებს, მაგრამ არსებული გამოწვევების ფონზე დიდი ფართობები ვერ დამუშავდა.

„ოცნებაში" ირაკლი ღარიბაშვილს კონკრეტიკისკენ მოუწოდებენ და მის წერილებს „ცარიელ სიტყვებს" უწოდებენ. პარლამენტის იურიდიულ საკითხთა კომიტეტის თავმჯდომარე, არჩილ გორდულაძე ამბობს, რომ ყოფილი პრემიერის მიერ გავრცელებული ბოლო წერილი, მანამდე გამოქვეყნებული წერილების შინაარსს პირდაპირ ეწინააღმდეგება.

ოკუპირებული ცხინვალის დე ფაქტო საგარეო საქმეთა მინისტრი, ახსარ ჯიოევი თბილისს ოკუპირებული რეგიონების აღიარებისკენ მოუწოდებს და აცხადებს, რომ აფხაზეთსა და "სამხრეთ ოსეთთან" ურთიერთობის მოწესრიგება თვით საქართველოს ინტერესებში შედის.

სომხეთი ევროკავშირთან ისე ახლოსაა, როგორც არასდროს, - ამის შესახებ ევროკომისიის პრესსპიკერმა, მარკუს ლამერტმა ბრიუსელში გამართულ ბრიფინგზე განაცხადა. ევროკომისიაში დადებითად აფასებენ სომხეთის პრემიერ-მინისტრის, ნიკოლ ფაშინიანის განცხადებას, რომლის მიხედვითაც, სომხეთი მალე დაიწყებს ევროკავშირში გაწევრიანების ოფიციალური განაცხადის წარდგენის პროცესს.

აშშ-ის დაზვერვის ხელმძღვანელის საიდუმლო ჩასვლა მოსკოვში და კრემლის ბუნდოვანი პოზიცია - ხან უარყოს, ხან სპეცსამსახურების კონტაქტად გამოაცხადოს ვიზიტი - ვაშინგტონსა და რუსეთს შორის კომუნიკაციის კულისებსმიღმა რეჟიმზე გადასვლაზე მიუთითებს.