გამოწერილი ჯარიმების ოდენობა განუხრელად მატულობს.  ტენდენციამ  საზოგადოებაში გააჩინა განცდა, რომ ჯარიმები არა წესრიგის დამყარების, არამედ ბიუჯეტის შევსების ინსტრუმენტად იქცა. სატრანსპორტო, საყოფაცხოვრებო თუ ბიზნეს-რეგულაციების დარღვევებზე დაწესებული მაღალი ტარიფები და მათი ადმინისტრირების მკაცრი, კამპანიური ხასიათი სულ უფრო მეტად ემსგავსება ფისკალურ წნეხს.

უცხოელი მუშახელის შემოყვანის მცდელობამ ადგილობრივ ბაზარზე დიდად ვერ გაამართლა. ბიზნესმა ამით რეალურად ვერ მოიგო, რადგან ხარჯი გაეზარდა, შესაბამისად, დასაქმების თვალსაზრისით, გარკვეული სირთულეები გამოიკვეთა და მდგომარეობა მნიშვნელოვნად არ შეცვლილა, რასაც სექტორში ადასტურებენ. როგორც აღმოჩნდა, ბაზრის მთავარი პრობლემა კვალიფიციური კადრის დეფიციტია.

რუსეთის მიერ აფხაზეთის ოკუპაციის განმავლობაში პირველი შემთხვევაა, როცა საქართველოს მიერ კონტროლირებადი ტერიტორიიდან საწვავი შევიდა. ამის საფუძველი რუსული ნავთობბაზებისა და გადამამუშავებელი ქარხნების შეფერხება, რამაც საწვავის მწვავე დეფიციტი შექმნა, საქართველოს მთავრობის განცხადებით, აფხაზეთის მოსახლეობის სოციალური და ჰუმანიტარული საჭიროებების გათვალისწინება შეიძლება იყოს კონფლიქტის მშვიდობიანი ტრანსფორმაციის მნიშვნელოვანი ინსტრუმენტი.

აშშ-ის პრეზიდენტი ღიად ემუქრება იმ ქვეყნებს, რომლებიც ირანს ნებისმიერ დახმარებას გაუწევენ. დონალდ ტრამპი მძიმე ეკონომიკურ სანქციებს აანონსებს მას შემდეგ, რაც აშშ და ისრაელი, ირანთან ომის დასრულების მიზნით, მოლაპარაკებების გზებს ეძებენ. ახლა საინტერესოა, რა შედეგი მოჰყვება ტრამპის ამ მუქარას, ან როგორ აისახება ეს ჩვენს რეგიონსა და ზოგადად საქართველოზე.

მიგრანტების შემოსვლა თუ ასე გაგრძელდა და მათი ნაკადი რუსეთიდან კიდევ უფრო მეტად დაიძრება, გამორიცხული არაა, კვლავ 2022 წლის რეალობის წინაშე აღმოვჩნდეთ.  შესაძლოა, რუსეთში შემოდგომაზე გამოცხადებულმა მობილიზაციამ გარკვეული ნაწილი ისევ საქართველოსკენ დაძრას. ჩვენ ისე უნდა მოვემზადოთ, რომ ფასების მკვეთრი რყევა და ინფლაცია არ მივიღოთ. ეკონომისტების განცხადებით, საფრთხე რეალურია. ამიტომ აუცილებელია, ბაზარზე სტაბილურობა უნდა შენარჩუნდეს, რომ ახალმა შემოდინებამ მკვეთრი ცვლილებები არ გამოიწვიოს. 

მოსახლეობის დაბერება - ეს არის თანამედროვე მსოფლიოს გამოწვევა, მათ შორის, საქართველოშიც. ამ მხრივ, „საქსტატისა“ და სოციალური მომსახურების სააგენტოს მონაცემები არასახარბიელოა, რადგან ირკვევა, რომ მოსახლეობის 23%, ანუ 900 310 ადამიანი პენსიონერია. ეს მაშინ, როდესაც შობადობის მაჩვენებელი მკვეთრად დაბალია და ცხადია, ასეთი არაპროპორციული თანაფარდობა ქვეყნის ეკონომიკის განვითარებას მძიმე ტვირთად აწვება - ასე ფიქრობენ სტატისტიკოსები და დარგის სპეციალისტები.  

პოლონეთმა კიდევ ერთხელ გაამკაცრა ქვეყანაში სამუშაოდ ჩასული მოქალაქეების შესვლის წესები. გადაწყვეტილება ქვეყნის საგარეო საქმეთა სამინისტრომ მიიღო საქართველოს, კოლუმბიისა და ვენესუელას იმ მოქალაქეებისთვის, რომლებიც პოლონეთში დასაქმების მიზნით აპირებენ გამგზავრებას. სპეციალისტების ერთი ნაწილი თვლის, რომ პოლონეთის ეს გადაწყვეტილება სამომავლოდ, ორი ქვეყნის პოლიტიკურ ურთიერთობებზეც აისახება, ხოლო მეორე ნაწილის აზრით, აქ მთავარი მიგრაციის პაქტია, რომელიც ევროკავშირის წევრ ქვეყნებს დამოკლეს მახვილივით აზის თავზე და საქართველოსთან პოლიტიკური ურთიერთობები აქ არაფერ შუაშია.

უცხო ქვეყნების მოქალაქეებზე ბინების გაყიდვის მასშტაბები განუხრელად იზრდება. ტენდენცია განსაკუთრებით ბათუმისთვისაა დამახასიათებელი, სადაც მყიდველთა ორი მესამედი უცხოელია. მართალია, მოთხოვნის ზრდა დადებითად აისახება სამშენებლო სექტორზე, თუმცა ადგილობრივი მოსახლეობისთვის გარკვეულ სირთულეებს ქმნის. დროთა განმავლობაში, ბევრი უცხოელი ქვეყანაში მკვიდრდება, რაც ადგილობრივებისთვის საცხოვრებლის ხელმისაწვდომობას ართულებს და დემოგრაფიაზეც უარყოფითად მოქმედებს. საფრთხე განსაკუთრებით გრძელვადიან პერიოდშია მოსალოდნელი.

კლიმატური ცვლილებები და არაპროგნოზირებადი ამინდი საქართველოს ეკონომიკის ორ მთავარ მიმართულებას - ტურიზმსა და აგრარულ სექტორს - სერიოზული გამოწვევების წინაშე აყენებს. ხშირი წვიმების გამო საზაფხულო კურორტებზე დამსვენებლების სიმცირეა, რაც  პირდაპირ აისახება ბიზნესის შემოსავლებსა და დარგის სტაბილურობაზე. კიდევ უფრო მწვავე სურათია სოფლის მეურნეობაში, სადაც  უხვი ნალექი მოსავლის  როგორც რაოდენობრივ შემცირებას, ისე ხარისხობრივ გაუარესებას განაპირობებს.

წელს ხორბლის მოსავლის რაოდენობა შენარჩუნდა და დაახლოებით 170 000 ტონას  შეადგენს. თუმცა იაფი იმპორტის გამო ფერმერებო მოსავალს 50 თეთრადაც ვერ ყიდიან მაშინ, როცა თვითღირებუელბა 60 თეთრს შეადგენს. შესაბამისად, სტრატეგიულ პროდუქტზე ფასის მკვეთრმა ვარდნამ ბაზარზე ურთულესი სიტუაცია შექმნა. როგორც ფერმერები აცხადებენ, ადგილობრივი მოსავლის რეალიზაცია, პრაქტიკულად, შეჩერებულია. ისინი ხელისუფლებისგან ბაზრის დასაცავად ხორბალზე იმპორტის გადასახადის დაწესებას და ქმედით  ნაბიჯებს ითხოვენ.

საქართველოს პარლამენტის ყოფილი წევრი, სასჯელაღსრულებისა და პრობაციის ექსმინისტრი, კახა კახიშვილი წყლის, ელექტროენერგიის, გაზის და ინტერნეტ-პროვაიდერი კომპანიების დასჯას იმ შემთხვევაში, თუ ისინი მომხმარებლების უფლებებს დაარღვევენ. ამაში განსაკუთრებული არაფერია, რადგან დემოკრატიულ ქვეყანაში, მომხმარებელსა და მიმწოდებელს შორის გაფორმებული ხელშეკრულება ორმხრივ პასუხისმგებლობას გულისხმობს და ის, რასაც კახიშვილი ითხოვს, აბსოლუტურად ბუნებრივია. სწორედ ამიტომ არსებობს ომბუდსმენი, როგორც კომუნიკაციების, ასევე ენერგეტიკის მარეგულირებელ ეროვნულ კომისიებში. სხვა საკითხია, რამდენად ეფექტურია ომბუდსმენი...

უკვე ცნობილია, რომ საწვავის დეფიციტის გამო, საქართველოს ოკუპირებულ ტერიტორიაზე, კერძოდ აფხაზეთში, საწვავი ქართულმა კომპანიებმა შეიტანეს. ეს ქვეყნის პრემიერ-მინისტრმა ირაკლი კობახიძემაც დაადასტურა და იქვე დასძინა, რომ "თუ საშუალება გვექნება, აფხაზეთის მოსახლეობას მდგომარეობა შევუმსუბუქოთ, ამას მომავალშიც აუცილებლად გავაკეთებთ „ოკუპაციის შესახებ კანონის“ სრული დაცვით". სხვათა შორის, აფხაზეთში საწვავის დეფიციტი პირდაპირ უკავშირდება რუსეთში შექმნილ კრიზისს, განსაკუთრებით რუსული ნავთობგადამამუშავებელი ქარხნების დაბომბვის შემდეგ. შესაბამისად, „რეზონანსი“ დაინტერესდა, აფხაზეთის ან იგივე, ჩრდილოეთ კავკასიის გავლით, ქართული ნავთობკომპანიები საწვავის რეექსპორტს ხომ არ გეგმავენ რუსეთში?