თუ 3 ივლისის აქციაზე დიდი რაოდენობით ხალხს ვიხილავთ, ეს იქნება სერიოზული განაცხადი იმისა, რომ ორგანიზატორთა მოთხოვნები საზოგადოებისათვის მისაღებია. განსაკუთრებით მაშინ, თუ ეს არა მარტო თბილისის, არამედ მთლიანად რეგიონების მასშტაბით მოხდა. ამ სიტუაციაში კი მთავრობას მოუწევს, რომ გადადგომაზე იფიქროს. ეს ყველა ევროპულ ქვეყანაშია მიღებული და აქ მტკივნეული არაფერია, თუმცა ტექნიკური მთავრობის იდეას ვერ დავეთანხმები - თქვა „რეზონანსთან" პოლიტოლოგმა იგორ კვესელავამ მიმდინარე პოლიტიკური მოვლენების შეფასებისას.

ონლაინ სივრცეში შექმნილი აპლიკაცია, "ტესლამედია", რომელიც მომხმარებლებს გარკვეული ინვესტიციის სანაცვლოდ, თანხის გამომუშავებას სთავაზობდა, თანხებს აღარ გასცემს. ამის შედეგად, ათასობით მოთამაშემ ჩადებული ინვესტიცია ფაქტობრივად დაკარგა. ეს საქართველოში რიგით მერამდენე ფინანსური პირამიდაა, თვლაც კი ჭირს.

რეგიონში მიმდინარე ომი საქართველოს ბიზნეს სექტორზე დიდ გავლენას ვერ ახდენს. კომპანიებს ვითარებასთან შეგუება და გადაწყობა მოუწიათ. რუსეთის მიერ წამოწყებული ომის მეხუთე თვის თავზე, საქართველოში განსაკუთრებული გავლენა არ იგრძნობა. სამომავლოდ კი, გააჩია, რამდენ ხანს გასტანს რუსეთის აგრესია.

ნატოს 28-30 მადრიდის სამიტზე ალიანსის წევრი ქვეყნების ლიდერებმა სტრატეგიული კონცეფცია დაამტკიცეს, სადაც ნათქვმია, რომ რუსეთი ყველაზე მნიშვნელოვანი და უშუალო საფრთხეა მშვიდობისა და სტაბილურობისთვის ევროატლანტიკურ ზონაში, ამასთან ალიანსი აგრძლებს პარტნიორობას ბოსნია-ჰერცეგოვინასთან, საქართველოსა და უკრაინასთან, რათა საერთო ინტერესი გაძლიერდეს ევროატლანტიკური მშვიდობის, სტაბილურობისა და უსაფრთხოების მიმართ. როგორც სამხედრო ექსპერტი ვახტანგ მაისაია „რეზონანსთან" აცხადებს, როგორც ჩანს, ნატო იმ საფრთხისთვის მზად არ იყო, რომელიც რუსეთის უკრაინაში შეჭრამ გამოიწვია. ამ სამიტიდან კი ნათელი გახდა, რომ ნატო უფრო მეტად გაძლიერდება.

„აქამდე რუსებს ჩვენს ისტორიას სხვადასხვა პუბლიკაციებით, ფსევდო-ისტორიული ნაშრომებით და ინტერნეტ-ფეიკებით შლიდნენ, ახლა კი მოვიდნენ და პირდაპირ დაიწყეს დანგრევა იმის, რასაც მანამდე ვირტუალურ სივრცეში ანადგურებდნენ," - ამბობს არტემ გლუშჩენკო, ჩერნიგოვის ოლქის მთავარი არქიტექტორი, რომელიც მე-19 საუკუნის ერთ დროს ლამაზი, მთლიანად განადგურებული შენობის წინ დგას.

თურქეთიდან ლტოლვილებმა ევროპული სასამართლოს წინ დემონსტრაცია გამართეს. მათი მოთხოვნაა: შეწყდეს თურქეთის მიმართ არაკეთილსინდისიერი მოპყრობა. კრიტიკის ობიექტი სტრასბურგის ადამიანის უფლებათა ევროპული სასამართლო გახდა. ამის მიზეზი არის ის, რომ ბევრი ადამიანი ვალდებულია წლების განმავლობაში ელოდოს მათი საქმეების განხილვას. ისეთი ჟურნალისტები, როგორებიც არიან მეჰმეთ ბანასუ, მუსტაფა უნალი და ჰიდაიეთ ყარაჯა შვიდ წელზე მეტია ციხეში იმყოფებიან, ევროპული სასამართლო კი მათი საქმეების განხილვას არ ჩქარობს.

მადრიდის სამიტის მეორე დღე - ნატოს ახალი სტრატეგიული კონცეფცია და ლიდერების განცხადებები საქართველოზე. სამიტის ფარგლებში გამართულ ჩრდილო-ატლანტიკური საბჭოს სპეციალურ სხდომაში საქართველოს პრემიერ-მინისტრმა დელეგაციასთან ერთად მიიღო მონაწილეობა.

უკრაინის აღმოსავლეთით ვითარება კვლავ უკიდურესად დაძაბულია, ოკუპანტების ინტენსიური დაბომბვების ქვეშაა ქალაქი ლისიჩანსკი. სარაკეტო იერიშები განხორციელდა, ოჩაკოვზე, ასევე ხარკოვისა და დონბასის ოლქების ქალაქებზე. როგორც ჩანს, ოკუპანტი საომარი მოქმედებების შენელებას და მით უმეტეს დასრულებას არც ფიქრობს, რადგან რუსეთის პრეზიდენტის ვლადიმერ პუტინის ბოლო განცხადებით, დონბასის „გათავისუფლებისთვის სპეციალური სამხედრო ოპერაცია გეგმის მიხედვით მიდის და მისი დასრულების ვადებზე საუბარი არასწორია".

თბილისში,  სააკაძის მოედანზე, საქართველოს ტექნიკური უნივერსიტეტის ინფორმატიკის ფაკულტეტის  კორპუსის  პირველი სართულის ერთ-ერთ პატარა ოთახში  რამდენიმე თვის  წინ განლაგებული იყო ავტომატიზაციის სამეცნიერო-კვლევითი და საინჟინრო-ტექნიკური ცენტრი. ამ კორპუსში მიმდინარე რემონტის მიზეზით, ცენტრის თანამშრომლებს  ოთახი დააცლევინეს... ოთახიდან გასახლებულმა თანამშრომლებმა თავიანთი საქმიანობა სახლებში გააგრძელეს და ამ  „უბინაო“ სპეციალისტებმა  დაასრულეს მუშაობა საყოფაცხოვრებო გაზის გაჟონვის აღმოსაჩენი „ჭკვიანი“ ხელსაწყოს შექმნაზე, რომელსაც მრავალი ადამიანის გადარჩენა შეუძლია.

საქართველოში დაზღვევის რამდენიმე სავალდებულო პროდუქტზე მუშაობა მიმდინარეობს _ პირველ რიში, ექიმებისა და ავტომფლობელებისთვის სავალდებულო დაზღვევის ამოქმედება იგეგმება. დაზღვევის ექსპერტები ამტკიცებენ, რომ ეს მნიშვნელოვანია სადაზღვევო სექტორის განვითარებისთვის და თანაც, პაკეტების გაძვირების თავიდან აცილებას შეუწყობს ხელს.

საბერძნეთში 47 წლის ქართველი ქალი დააკავეს, რომელიც მოხუცებს ნარკოტიკებით აბრუებდა და ძარცვავდა, შემდეგ კი მოულოდნელად უჩინარდებოდა. ბერძნული მედიის ინფორმაციით, ის სხვადასხვა სახლებში ოჯახის დამხმარედ, ან მოხუცის მომვლელად ეწყობოდა, მათთან ნდობაში შედიოდა, შემდეგ კი ძარცვავდა.