მსოფლიო სულ მალე შესაძლოა, ახალი და დიდი პრობლემის წინაშე აღმოჩნდეს. მოსალოდნელი გლობალური სასურსათო კრიზისის შესახებ უკვე არაერთი განაცხადი გაკეთდა. პრობლემებს ვერც საქართველო გადაურჩება. არის პროდუქტები, რომელიც უკვე ძალიან ძვირია და სულ მალე შესაძლოა, დეფიციტურიც კი გახდეს. ახლა ზაფხულის, მოსავლიანობის პერიოდია და საფრთხე ჯერ მიჩქმალულია, მაგრამ რა გველის შემოდგომიდან, როდესაც ახალი მოსავლის მოლოდინი აღარ იქნება და პროდუქციის დარეზერვება დაიწყება?