აშშ-ს კონგრესის შუალედურ არჩევნებში ხმის მიცემის პროცესი დასრულებულია, შედეგები კი გადაწყვეტს ვინ გააკონტროლებს საკანონმდებლო ორგანოს. წარმომადგენელთა პალატაში რესპუბლიკელები დაწინაურდნენ, ხოლო, ჯერჯერობით გაურკვეველია სენატში ვის ექნება უპირატესობა. ანალიტიკოსთა შეფასებით, პრეზიდენტ ბაიდენის მომდევნო ორი წლის დღის წესრიგიც, სწორედ ამაზეა დამოკიდებული.

რუსეთი შეიარაღებას არა მხოლოდ ირანისგან, არამედ უკვე ჩრდილოეთ კორეისგანაც იღებს. მიუხედავად იმისა, რომ რუსეთს მსოფლიოში ერთ-ერთი ყველაზე მძლავრი სამხედრო-სამრეწველო კომპლექსი აქვს, სამხედრო ექსპერტის თქმით, მისი სამხედრო წარმოება არ აღმოჩნდა მზად ამ ტიპისა და ხანგრძლივობის ომისთვის, რის გამოც არ ჰყოფნის შეიარაღება და მათ დამზადების ნაცვლად, დროისა და საკმარისი გამოცდილების ნაკლებობის გამო, ურჩევნია ის მოკავშირე ქვეყნებისგან შეისყიდოს.

8 ნოემბერს აშშ-ში კონგრესის შუალედური არჩევნები ჩატარდება. წინასაარჩევნო კვლევებით, არჩევნებამდე ერთი კვირით ადრე რესპუბლიკელები ლიდერობენ და დიდია ალბათობა, რომ წარმომადგენელთა პალატაში უმრავლესობა მიიღონ. აშშ-ში ბევრი, მათ შორის ქვეყნის პრეზიდენტი ჯო ბაიდენიც, უკვე ღიად საუბრობს იმაზე, რომ დემოკრატთა დამარცხების შემთხვევაში, შესაძლოა აშშ-ის მხრიდან უკრაინის დახმარება შემცირდეს, რადგან, როგორც ამერიკული მედია წერს, რესპუბლიკელთა ბანაკში იზოლაციონისტური განწყობების ზრდის ტენდენცია შეინიშნება.

პუტინის მეირ გამოცხადებული „ნაწილობრივი მობილიზაციის" ფონზე ჯარში აღჭურვილობის იმხელა დეფიციტია, რომ, დრონებთან ერთად, რუსეთმა ირანიდან სხვა ამუნიციის, მათ შორის ჯავშანშილეტებისა და ჩაფხუტების შესყიდვა დაიწყო. ინფორმაციას ამის შესახებ „უკრაინსკაია პრავდა" ქვეყნის უშიშროების სამსახურზე დაყრდნობით ავეცელებს.

1-ლი ოქტომბრიდან ამერიკული ლენდ-ლიზი უკვე ოფიციალურად ამოქმედდა. ეს ის სახელმწიფო პროგრამაა, რომელმაც მეორე მსოფლიო ომში დროს აშშ-სა და მოკავშირეების გამარჯვებაში გადამწყვეტი როლი შეასრულა. უკრაინის ხელისუფლება იმედოვნებს, რომ ეს ნიშნავს უფრო განსხვავებულ და მაღალი ხარისხის იარაღს, რითიც უკრაინა ყველა ტერიტორიას დაიბრუნებს.

ევროპული საბჭოს პრეზიდენტი, შარლ მიშელი მიიჩნევს, რომ რუსეთს გაეროს უშიშროების საბჭოს მუდმივმოქმედი წევრობა უნდა შეუჩერდეს - აღნიშნულზე მან ნიუ-იორკში, გაეროს გენერალურ ასამბლეაზე სიტყვით გამოსვლისას განაცხადა. ევროპული კვლევის ცენტრის დირექტორი კახა გოგოლაშვილი „რეზონანსთან" ამბობს, რომ არ არის გამორიცხული რეალურად მოხდეს რუსეთის გარიცხვა გაეროს უშიშროების საბჭოდან, მაგრამ ამისთვის უამრავი პროცედურა და სხვადასხვა ქვეყნების კონსენსუსი იქნება აუცილებელი.

შანხაის თანამშრომლობის ორგანიზაციის სამიტი უზბეკეთში, ქალაქ სამარყანდში 15-16 სექტემბერს გაიმართება. მიმდინარე წელს სრულდება 20 წელი ამ ორგანიზაციის წესდების ხელმოწერიდან და 15 წელი ორგანიზაციის წევრ ქვეყნებს შორის გრძელვადიანი კეთილმეზობლობის, მეგობრობისა და თანამშრომლობის შესახებ ხელშეკრულების ხელმოწერიდან, რაც მას მეტად ღირშესანიშნავ მოვლენად ხდის.

აშშ-ის დაზვერვის სამსახურების ინფორმაციით, მოსკოვი საარტილერიო შეიარაღებას ჩრდილოეთ კორეისგან ყიდულობს. მათ შორისაა რაკეტები და ბომბები. ამის შესახებ გამოცემა „ნიუ-იორკ თაიმსი" მთავრობაში თავის წყაროებსა და დეკლასიფიცირებულ ანგარიშზე დაყრდნობით წერს. სამხედრო ესპერტი ვახტანგ მაისაია „რეზონანსთან" გამოთქვამს ვარაუდს, რომ შესაძლოა რუსეთმა ჩრდილოეთ კორეელი მებრძოლები ჩართოს უკრაინის ომში.

მარგარეტ ტეტჩერისა და ტერეზა მეის შემდეგ, დიდმა ბრიტანეთმა მესამედ ახალი ქალი პრემიერ-მინისტრი აირჩია. მოქმედმა საგარეო საქმეთა მინისტრმა ლიზ ტრასმა მისი მოწინააღმდეგე, რიში სუნაკი დაამარცხა. ანალიტიკოსთა შეფასებით, ტრასი ბორის ჯონსონის ხაზს არ გადაუხვევს და მისი პოლიტიკა, როგორც უკრაინის, ისე გლობალური თვალსაზრისით იგივე მიმართულებით წავა. თუმცაღა ძალისხმევის გახარჯვა ამჯერად ორ ფრონზტე მოუწევს, ქვეყანაში სოციალურ-ეკონომიკური მდგომარეობის შემსუბუქებისა და უკრაინის ფინანსური, თუ სამხედრო დახმარების თვალსაზრისით.

უცხოური მედია ჯო ბაიდენის ადმინისტრაციის წარმომადგენლებზე დაყრდნობით ავრცელებს ინფორმაციას, რომ რუსეთი ფლობს ირანულ საბრძოლო უპილოტო საფრენ აპარატებს, რომლებსაც ისინი, სავარაუდოდ, უკრაინაში გამოიყენებენ. სამხედრო ექსპერტი ვახტანგ მაისაია „რეზნანსს" ეუბნება, რომ საუბარია 130-მე ირანულ დრონზე, რაც სერიოზული დამრტყმელი ძალაა და შესაძლოა ომის მიმდინარეობაზე სერიოზული გავლენა იქონიოს.

რუსეთმა დაბლოკა ერთთვიანი განხილვის შედეგად მიღებული გაეროს დოკუმენტის პროექტი ბირთვული გაუვრცელებლობის საკითხზე. მოსკოვმა შეთანხმების ის პუნქტი გააპროტესტა, სადაც უკრაინაში ზაპორიჟიეს ელექტროსადგურის კონტროლზეა საუბარი. ექსპერტი კორნელი კაკაჩია „რეზონანსს" ეუბნება, რომ რუეთს არ სურს დაკარგოს დასავლეთზე შანტაჟის ბერკეტები. ამასთან, შესაძლოა, საკუთარი ქმედებით ხელს უწყობდეს თავის მოკავშირე იმ ქვეყნებს, რომლებსაც ბირთვული იარაღის ფლობა სურთ.