პოლიტიკურმა ვნებათაღელვამ და დაპირებულმა სანქციებმა ყველაზე მეტად ეროვნულ ვალუტა დააზარალა. სიტუაცია უკვე დამცხრალია, ამიტომაც, სპეციალისტთა ნაწილი ვარაუდობს, რომ პანიკა გადალახულია და ვითარებაც სტაბილურდება. უმოკლეს ხანში ეროვნული ვალუტა წონასწორული კურსისკენ სვლას დაიწყებს. 

ევროკავშირის ქვეყნებში არსებული ბიბლიოთეკებიდან ძვირადღირებული წიგნების ქურდობაზე კიდევ ერთი პირი დააკავეს.  დაკავებულთა წრე იზრდება და არ არის გამორიცხული, გამოძიება კიდევ რამდენიმე პირიზე გავიდეს. ეს არის უპრეცედენტო ქურდობის სქემა, რომელშიც საქრათველოს მოქალაქეები ფიგურირებენ. პოლიციის განცხადებით, ორგანიზებული ჯგუფის წევრები 2022-2023 წლებში ევროპის სხვადასხვა ქალაქების ბიბლიოთეკებიდან ასეულობით ათასი ევროს ღირებულების წიგნებს ფარულად დაეუფლნენ. უკვე დაკავებულია რამდენიმე პირი, მათ შორის ერთი ოჯახის სამი წევრი.       

რა გადაწყვეტილებას მიიღებს ევროკავშირი „გავლენების კანონის“ მიღების შემდეგ საქართველოსთან მიმართებაში? როგორც გამოცდილი დიპლომატი „რეზონანსთან“ ამბობს, ყველაზე ოპტიმისტურ ვარიანტში ინტეგრაციის შემდეგ ეტაპზე უბრალოდ არ გადაგვიყვანენ, ანუ პროცესი დაკონსერვდება, უფრო ცუდი სცენარის შემთხვევაში კი შეიძლება უკვე არსებული ფორმატების გადახედვაც მოხდეს.

ანაკლიის ღრმაწყლოვანი პორტის ტენდერის ჩინური კონსორციუმისთვის გადაცემაზე აჟიოტაჟი არ ცხრება. ოპოზიცია და საზოგადოების ნაწილი ამას საგარეო პოლიტიკური ვექტორის ცვლილების პრიზმაში განიხილავს, მთავრობა კი პრაგმატული პოლიტიკის გაგრძელებად მიიჩნევს და ამტკიცებს, რომ ეს ქვეყნის ეკონომიკისთვის ყველაზე მომგებიანი ნაბიჯი იყო.

„გერმანია რომელიც ტრადიციულად გამოირჩეოდა, როგორც პასუხისმგებლობით აღსავსე სახელმწიფო, ასეთ ელჩებს არ უნდა აგზავნიდეს საქართველოსნაირ ქვეყანაში. ელჩი, რომელიც აკეთებს ანტიქართულ განცხადებებს, ჩვენთვის არ არის ღირებული," - ასეთი სკანდალური განცხადება პრემიერმა კობახიძემ ბაგებში ხიდის გახსნისას გერმანიის ელჩის გამონათქვამის კომენტირებისას გააკეთა, რომელმაც მანამდე თქვა, საქართველოს ხელისუფლებამ ევროპული გზიდან გადაუხვიაო.

28 მაისს „გავლენების კანონის“ საბოლოოდ მიღების შემდეგ, რა პროცესები შეიძლება ქვეყანაში განვითარდეს? რას აპირებენ  არასამთავრობო ორგანიზაციები და პოლიტიკური პარტიები? უკვე ცნობილია, რომ მესამე სექტორის წარმომადგენლები და ონლაინ მედია გამომცემლები, რომლებიც დონორების მიერ ფინანსდებიან, კანონს არ დაემორჩილებიან და რეესტრში დარეგისტრირებას არ აპირებენ. ოპოზიცია კი, თავის მხრივ, არჩევნებისთვის ემზადება და პრეზიდენტ სალომე ზურაბიშვილის ქარტიის ირგვლივ ერთიანდება.       

ქვეყანაში სოციალური უთანასწორობა შემცირდა, რაც გარკვეულწილად ეკონომიკური მდგომარეობის გაუმჯობესებას უკავშირდება. როგორც აღმოჩნდა, მოსახლეობას შემოსავლები გაეზარდა, მაგრამ კეთილდღეობაზე ეს მაჩვენებელი ნაკლებად აისახა. ამის მიზეზი მსყიდველუნრიანობის კლებაა, რაზეც სოციოლოგები განსაკუთრებით ამახვილებენ ყურადღებას და აცხადებენ, რომ საეჭვოა, ტენდენცია გაგრძელდეს, ვინაიდან საარჩევნო წელია და ამ დროს ეკონომიკური პროგნოზები დიდწილად ვერ ამართლებs.

ანაკლიის ღრმაწყლოვან პორტს ჩინური კონსორციუმი ააშენებს. 49%-იანი წილის მფლობელი კომპანია გამარჯვებულად რამდენიმე დღეში გამოცხადდება და პორტის მშენებლობა საბოლოოდ დაიწყება. მაშინ, როდესაც შუა დერეფნის გააქტიურებაზეა საუბარი, ანაკლიის პორტს არსებობას უდიდესი მნიშვნელობა აქვს, ამიტომ რაც უფრო მალე დაიწყება  განხორციელდება პროექტი, მით უკეთესი იქნება საქართველოსთვის და ქვეყნის ეკონომიკისთვის. 

აშშ-ს ყოფილმა პრეზიდენტმა და მოქმედმა საპრეზიდენტო კანდიდატმა დონალდ ტრამპმა სრულიად მოულოდნელი, განსაკუთრებით კი მის გულმხურვალე მხარდამჭერებისთვის გამაოგნებელი განცხადება გააკეთა. ამბობს, მისი პრეზიდენტობის პერიოდში რუსეთი უკრაინაში რომ შეჭრილიყო, „მოსკოვს დაბომბავდა" და „თუ ჩინეთი ტაივანში შეიჭრებოდა - პეკინს".

„რადგან ეს პროცესი დაიწყო, ის გაგრძელდება და მიიღებს უფრო მკვეთრ გამოხატულებას როგორც ქვეყნის შიგნით, ასევე მის ფარგლებს გარეთაც. არჩევნებამდე კი „ოცნება" იმ ხმებსაც დაკარგავს, რომელიც ახლა აქვს," - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

პრეზიდენტის იდეის განხორციელებას რეფერენდუმის ჩატარების თაობაზე, ჩანასახშივე გარკვეული წინაღობები შეხვდა, პირველ რიგში, შეგროვებულ ხელმოწერებს რომ იურიდიული ძალა ჰქონდეს, პრემიერის თანახელმოწერა - ე.წ. კონტრასიგნაციაა საჭირო, რაზედაც ანალიტიკოსები ეჭვობენ, რომ ამაზე ირაკლი კობახიძე წავიდეს.

„გავლენების კანონზე" პრეზიდენტის ვეტოს დაძლევამ დასავლეთიდან უმწვავესი კრიტიკა გამოიწვია. რა კონკრეტული ნაბიჯები მოჰყვება აშშ-სგან და ევროკავშირისგან, ჯერჯერობით უცნობია, თუმცა კრიტიკა მწვავეა და ამასთან, მიიჩნევენ, რომ „ჯერ კიდევ არის დრო დინამიკის შესაცვლელად". „ქართული ოცნების" წევრები საპასუხოდ ამბობენ, რომ „ეს კანონი მიღებულია ქართველი ხალხის სახელით, მათ ინტერესში და მათი დაკვეთით, რომ მას ჰქონდეს მეტი ინფორმაცია უცხოურ დაფინანსებაზე".