10 დღეში უნგრეთი ევროპული საბჭოს თავმჯდომარე ქვეყანა ხდება და ამ სტატუსს წლის ბოლომდე შეინარჩუნებს. ეს სწორედ ის პერიოდია, როდესაც ევროკავშირში საქართველოსთან დაკავშირებით მნიშვნელოვანი გადაწყვეტილებები იქნება მიღებული. რას ნიშნავს ეს საქართველოსათვის და რა გავლენას მოახდენს ამ გადაწყვეტილებებზე უნგრეთის თავმჯდომარეობა?

მმართველი გუნდი აშშ-ის ახალ ელჩს პირველად ღიად უპირისპირდება. საქმე ეხება რობინ დანიგანის ვრცელ ინტერვიუს და მასში გაჟღერებულ მწვავე გზავნილებს საქართველოს ხელისუფლების მისამართით. „ხალხის ძალა" წერს, რომ ახალმა ელჩმა, მის წინამორბედის მსგავსად, „წითელი ხაზები გადაკვეთა". ელჩის კრიტიკა შეეხება როგორც ჩინური კომპანიის მიერ ანაკლიის პორტის მშენებლობას, ისე „გავლენების კანონთან" დაკავშირებულ მოვლენებს, რასაც აშშ-ის მხრიდან სავიზო შეზღუდვები მოჰყვა 30-ზე მეტი პირისთვის.

საპენსიო ფონდთან დაკავშირებით კრიტიკა მუდმივად ისმის, რაც აშკარად მეტყველებს, რომ ამ თანხების მართვაში რეალურად პრობლემაა. ფაქტს, რომ რისკები არსებობს, ფინანსური ბაზრის მკვლევარები ცალსახად ადასტურებენ. გარკვეული კითხვის ნიშნები ჩნდება საპენსიო ფონდში აკუმულირებული თანხების განკარგვის კუთხითაც, განსაკუთრებით მას შემდეგ, რაც გამოიკვეთა, რომ კომპანიების ნაწილი საპენსიო ფონდში შენატანებთან დაკავშირებით ვალდებულებებს ჯეროვნად არ ასრულებს, ხოლო ასეთი ათასობით კომპანიაა.

სპეცოპერაცია საქართველოს მასშტაბით - ნარკოდანაშაულის ბრალდებით დაკავებული 27 პირიდან ნარკოტიკების ჩამდებები და მომხმარებლები საპროცესო შეთანხმების საფუძველზე წინასწარი დაკავების იზოლატორებიდან გაუშვებს. რაც შეეხებათ მსხვილ ნარკორეალიზატორებს, რომლებიც ჩამდებებს უკავშირდებოდნენ და დაფასოებულ ნარკოტიკულ ნივთიერებებს აწვდიდნენ, ბრალს არ აღირებენ.   

უწყლობამ არამხოლოდ მოსახლეობა, არამედ ბიზნესიც დააზარალა. წყლის გრაფიკით მიწოდება გამო კერძო სექტორს უკვე პრობლემები შეექმნა. კვების ობიექტები, სასტუმროები, სილამაზის სალონები თუ ფიტნეს დარბაზები ხარვეზით მუშაობენ. ყველაზე ცუდი ისაა, რომ მინიმუმ 6 დღე ამ რეჟიმში ცხოვრება მოუწევთ. ესეც იმ შემთხვევაში, თუკი „ჯორჯიან ოეთერ ენდ ფაუერმა“ დადებული სიტყვა შეასრულა და მასშტაბური დაზიანება დათქმულ დროს გამოასწორა. 

რუსეთმა და ჩრდილოეთ კორეამ სტრატეგიული პარტნიორობის შეთანხმება გააფორმეს. რუსეთის პრეზიდენტ ვლადიმერ პუტინის თქმით, ეს დოკუმენტი მრავალი წლის განმავლობაში ორ ქვეყანას შორის ურთიერთობების საფუძველი იქნება. „რია-ნოვოსტის" ინფორმაციით, ფხენიანში, ვლადიმერ პუტინმა და კიმ ჩენ ინმა ყოვლისმოცველ სტრატეგიული პარტნიორობის შეთანხმებას ხელი მოაწერეს.

საქართველოში ევროკავშირის ელჩი პაველ ჰერჩინსკი პრემიერ-მინისტრ ირაკლი კობახიძის განცხადებას გამოეხმაურა, სადაც პრემიერის თქმით, „უცხოური გავლენის გამჭვირვალობის შესახებ" კანონის მიღების შემდეგ ევროკავშირთან მოლაპარაკებების გახსნის შანსები 20-30%-მდე გაიზარდა. ჰერჩინსკი საპასუხოდ ამბობს, რომ პირიქით, ამან ევროინტეგრაციის პროცესი ფაქტიურად გაყინა.

გერმანიის კანცლერის, ოლაფ შოლცის განცხადებით, რეგულარული მიგრაციის წინააღმდეგ ბრძოლაში ფედერალურ მთავრობასა და აღმოსავლეთ გერმანიის ფედერალური მიწების პრემიერ-მინისტრებს შორის სრულ ერთიანობას ხედავს. როგორც იგი აღნიშნავს, მიგრანტების შესამცირებლად ყველა ზომა მიღებული იქნება.

იენს სტოლტენბერგს ნატოს გენერალური მდივნის თანამდებობის ვადა ამ წლის ოქტომბერში ეწურება და მას დიდი ალბათობით ნიდერლანდების პრემიერი მარკ რუტე ჩაანაცვლებს, ამ კანდიდატურას საბოლოოდ უკვე აქვს სლოვაკეთის და უნგრეთის მხარდაჭერა, რომლებიც ბოლო მომენტამდე წინააღმდგები იყვნენ. ეს უკვე დაადასტურა, როგორც უნგრეთის პრემიერ-მინისტრმა ვიქტორ ორბანმა, ისე სლოვაკეთის პრეზიდენტმა პეტერ პელეგრინიმ.

რა ფორმით წარდგება არჩევნებზე ოპოზიცია და მოხდება თუ არა არსებული ერთობის ფორმირება – „ნაციონალური მოძრაობა“ ოპოზიციის გაერთიანების სანაცვლოდ გარკვეულ პირობებზე საუბრობს. პარტია მზადაა, ერთიანი სიისა და ერთობის შემთხვევაში, პარტიული ნომერი და სიაში საკუთარი წილიც დათმოს. 

25 ივნისს ბრიუსელში ჩატარდება ევროკავშირის სამთავრობათაშორისო კონფერენცია, რითაც ოფიციალურად სტარტს აიღებს უკრაინის და მოლდოვის ევროკავშირში გაწევრიანების მოლაპარაკება. უნგრეთმა, რომელიც ამ ინიციატივას ბლოკავდა, თანხმობა განაცხადა, ქვეყნის საგარეო უწყებამ დაადასტურა, რომ მიაღწიეს ბუდაპეშტის პირობის ჩართვას მოლაპარაკებების ჩარჩოში, უკრაინაში ეროვნული უმცირესობების უფლებების პატივისცემის შესახებ.

უკვე მესამე დღეა, თბილისის ნაწილს წყალი გრაფიკით მიეწოდება. კომპანია „ჯორჯიან უოთერ ენ ფაუერსა“  და თბილისის მერიაში ამბობენ, რომ პრობლემის მოგვარებას ერთი კვირა დასჭირდება, თუმცა სპეციალისტები გაცილებით დიდ ვადას ასახელებენ, საუბარია რამდენიმე თვეზე. უწყლობა, როგორც მოსახლეობას, ისე ბიზნესს უკვე საშინელ პრობლემად ექცა.