კვირას, 29 იანვარს ირანში აზერბაიჯანის საელჩოს თანამშრომლების და მათი ოჯახის წევრების ევაკუაცია დაიწყო. ამის შესახებ განცხადება აზერბაიჯანის საგარეო საქმეთა სამინისტრომ გააკეთა. მიზეზი გასულ პარასკევს თეირანში აზერბაიჯანის საელჩოზე მომხდარი თავდასხმაა. როგორ აისახება ეს სისხლიანი ინციდენტი ოერი სახელმწიფოს ისედაც დაძაბულ ურთიერთობაზე, ჯერჯერობით ძნელი სათქმელია.

ირანის რამდენიმე ქალაქში შაბათს ღამით სამხედრო მრეწველობის ობიექტებზე აფეთქებები მოხდა. სხვადასხვა წყაროების ცნობით, ეს ირანსა და ისრაელს შორის მიმდინარე „ჩრდილოვანი ომის გაგრძელებაა". აფეთქებებს თან დაემთხვა მძლავრი მიწისძვრა, რამაც გარკვეული პანიკა გამოიწვია. „ტელეგრამ" არხები კი პირდაპირ ირანი-ისრაელის ომის დაწყების შესახებ წერდნენ.

ირანის დედაქალაქ თეირანში დღეს დილით, თბილისის დროით 08:30 წუთზე აზერბაიჯანის საელჩოზე შეიარაღებული თავდასხმა განხორციელდა, რის შედეგადაც დაიღუპა საელჩოს უსაფრთხოების სამსახურის უფროსი, დაჭრილია დაცვის სამსახურის ორი თანამშრომელი.

მთიან ყარაბაღში, რომლის სომეხთან დამაკავშირებელი ერთადერთი დერეფანიც აზერბაიჯანის მიერ უკვე 45 დღეზე მეტია ჩაიკეტა, ვითარება იძაბება. თვითგამოცხადებული რესპუბლიკის მოსახლეობა ჰუმანიტარულ კრიზისში იმყოფება. სომხები ეჭვობენ, რომ ამ ბლოკადის მეშვეობით აზერბაიჯანს რეგიონის სომხებისგან დაცლა სურს. ომში გამარჯვებული ბაქო კი დამარცხებულ მხარეს სულ უფრო მძიმე მოთხოვნებს უყენებს და დიდად არ მალავს, რომ მათ მიერ ყარაბაღის დაცლას მიესალმება.

რუსი ოკუპანტების ქვედანაყოფებში ჩვეულებრივ მოვლენად იქცა მობილიზებული ჯარისკაცების მიმართ უყურადღებობა, მათი დამცირება და ცემა. პრობლემას იმდენად მძიმე ხასიათი აქვს, რომ როგორც გამოცემა „უნიანთან" უკრაინის თავდაცვის მინისტრი ანა მალიარი აღნიშნავს, დაჭრილ ოკუპანტთა უმეტესობა დროული პირველადი სამედიცინო დახმარების არაღმოჩენის გამო იღუპება. ამასთან, რუსეთი უკრაინის დროებით ოკუპირებულ ტერიტორიებზე მამაკაცების მასობრივ იძულებით მობილიზაციას ახორციელებს.

ჟურნალისტთა დაცვის მსოფლიო კომიტეტმა თავის ყოველწლიურ ანგარიშში შემაშფოთებელი სტატისტიკა გამოაქვეყნა. რომლის მიხედვითაც 2022 წელს პროფესიული საქმიანობის შესრულებისას მოკლული ჟურნალისტების რაოდენობა გასულ წლებთან შედარებით ყველაზე მაღალია.

ფინეთი არ გამორიცხავს, რომ ნატო-ში შვედეთისგან დამოუკიდევბლად შევიდეს. -ამის შესახებ ფინეთის საგარეო საქმეთა მინისტრმა პეკა ჰაავისტომ განაცხადა. სტოკჰოლმსა და ანკარას დაძაბული ვითარების გამო, შვედეთის ნატოში გაწერვიანება კითხვის ქვეშაა.

ევროკავშირი სომხეთში გრძელვადიან სადამკვირვებლო მისიას გაგზავნის. აღნიშნული მისიისთვის „კოლექტიური უსაფრთხოების შეთანხმების ორგანიზაციაც" („ოდკბ") მზად იყო, მაგრამ ერევანმა რუსი დამკვირვებლების ნაცვლად ევროკავშირი აირჩია. მანამდე ორი კვირით ადრე სომხეთის პრემიერ-მინისტრმა ნიკოლ ფაშინიანმა განაცხადა, რომ რუსი სამშვიდობოები ერევნისთვის საფრთხეს წარმოადგენენ.

თურქეთში საპრეზიდენტო არჩევნები ერთი თვით ადრე -14 მაისს ჩატარდება. ვინ იქნება მოქმედი პრეზიდენტის რეჯეპ ტაიპ ერდოღანის კონკურენტი ოპოზიციიდან, ეს ჯერჯერობით უცნობია, მის ოპონენტებს კანდიდატურა ჯერ არ დაუსახელებიათ. თუმცა, როგორც საზოგადოებრივი აზრის გამოკითხვები აჩვენებს, საპარლამენტო და საპრეზიდენტო არჩევნები დაძაბული იქნება, რომელიც ერდოღანისთვის ხელისუფლებაში ყოფნის განმავლობაში ყველაზე სერიოზულ გამოცდად განიხილება.

დიდი ბრიტანეთის ყოფილი პრემიერ-მინისტრი, ბორის ჯონსონი უკრაინაში ჩავიდა და პრეზიდენტ ვოლოდიმირ ზელენსკის შეხვდა. მის ამ ქმედებებს ბრიტანეთის მაღალჩინოსნებისგან კრიტიკული გამოხმაურება მოჰყვა. მიუხედავად იმისა, რომ მაღალი რანგის სამხედრო პირები ბორის ჯონსონს აფრთხილებდნენ, რომ „რეკლამის ძებნისგან" თავი შეეკავებინა, ყოფილი მაღალჩინოსანი კიევის გარეუბანში იხილეს. ჯონსონმა კი ოფიციალურად განაცხადა, რომ იგი უკრაინის პრეზიდენტმა მიიწვია.

უკრაინა ბროვარიში მომხდარი ტრაგედიის ვერსიებზე ავრცელებს ინფორმაციას. „უსაფრთხოების სამსახურის გამომძიებლებმა დაიწყეს წინასწარი გამოძიება ბროვარიში ვერტმფრენის ჩამოვარდნის ფაქტზე. განიხილება ტრაგედიის გამომწვევი რამდენიმე ვერსია," - ნათქვამია უკრაინის უსაფრთხოების სამსახურის განცხადებაში.

გერმანიის საგარეო საქმეთა მინისტრმა, ანალენა ბერბოკმა თურქეთის საელჩოს წარმომადგენლები შეხვედრაზე მიიწვია, სადაც ერდოღანის მმართველი პარტია AKP-ის ერთ-ერთმა დეპუტატმა ქურთებისა და გიულენის მოძრაობის წევრების წინააღმდეგ სიძულვილის ენის გამოყენებით აგიტაცია ჩაატარა.