რამდენიმედღიანი პაუზის შემდეგ, საქართველოს პრემიერ-მინისტრმა ირაკლი ღარიბაშვილმა საზოგადოებაში დაგროვილ კითხვებს უპასუხა - მისი შეფასებით, მთავრობა და ზოგადად მმართველი გუნდი ქვეყნის ინტერესების შესაბამისად მოქმედებს და მაქსიმუმს აკეთებს იმისთვის, რათა ურთიერთობები, რომელიც ქვეყანას აშშ-სთან და ევროპასთან აქვს, კიდევ უფრო გაძლიერდეს და განმტკიცდეს. პრემიერმა კიდევ ერთხელ აღნიშნა, რომ მთავრობამ ქვეყანას დიდი განსაცდელი, ომი აარიდა თავიდან. ამ განცხადებებს კრიტიკული შეფასებები მოჰყვა ოპოზიციიდან.

როცა საპარლამენტო დებატები დაიწყება, ოპოზიციამ ალბათ ქუჩაც უნდა გააქტიუროს, ეს ყველაზე ქმედითი პროცესი იქნება. ოპოზიციამ არ უნდა დასვას თემა, რომ ხელისუფლებას შეცვლის, ასეთი მეთოდებით არ უნდა დაიწყოს. საპროტესტო აქციებს მობილიზება უნდა გაუკეთოს, მაგრამ 12 პუნქტთან მიმართებაში. რომელი საკითხიც შესასრულებელი იქნება, იქ ოპოზიციის მხადრაჭერა ქუჩის მხრიდანაც იყოს, რომ კონკრეტული კანონპროექტი სწორედ ისეთი გავიდეს, როგორიც ქვეყნისთვის უკეთესი იქნება - ამის შესახებ „რეზონანსთან" ანალიტიკოსმა ვახტანგ ძაბირაძემ განაცხადა მიმდინარე პოლიტიკურ მოვლენებზე საუბრისას.

ადამიანი, რომელმაც ცხვარიჭამიაში, 20 წლის მირიან კუკავას სასიკვდილო ჭრილობები მიაყენა, სავარაუდოდ, დ. ჯ. -ა, მას პოლიცია მთელი ქვეყნის მასშტაბით ეძებს. მკვლელობის საქმეზე შვიდი პირია დაკავებული, როგორც შსს-ში აცხადებენ, საქმეზე საგამოძიებო მოქმედებები გრძელდება, გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს და 10-დან 15 წლამდე პატიმრობას ითვალისწინებს. დანაშაული ერთ-ერთი არასრულწლოვანის იუბილეს აღნიშვნის დროს მოხდა.

რუსეთი უკრაინის ტერიტორიაზე სამოქალაქო დანიშნულების ობიექტების დაბომბვას პერმანენტულად განაგრძობს - იბომბება დასახლებული პუნქტები, დაღუპულთა და დაშავებულთა შესახებ ინფორმაცია ყოველდღიურად ვრცელდება. როგორც სამხედრო ანალიტიკოსები ამბობენ, კრემლის მიზანია მოსახლეობა ისე დააშინოს, რომ უკრაინის ხელისუფლებას ცეცხლის შეწყვეტის შეათხმებაზე ხელის მოწერა აიძულოს მოსკოვის პირობებით.

პარლამენტისა და საკრებულოებიდან გასული „ოცნების" დეპუტატები საზოგადოებრივ მოძრაობას ქმნიან - როგორც ისინი აცხადებენ, ეს გადაწყვეტილება მას შენდეგ მიიღეს, რაც ყოფილი პრემიერ-მინისტრის ბიძინა ივანიშვილის წერილი გამოქვეყნდა და მასზე აშშ-ს ელჩმა კელი დეგნანმა უპასუხა. მოძრაობის მიზანი კი მათი თქმით, ქვეყნისათვის ომის თავიდან აცილება, საჯარო პოლიტიკაში არსებულ კითხვებზე პასუხის ღიად გაცემა და საქართველოს ევროპული ინტეგრაციის შეუქცევადობაა.

აშშ-ის ელჩი კელი დეგნანი ქართველ პოლიტიკოსებს ერთობლივი მუშაობისკენ მოუწოდებს. მისი განცხადებით, ერთიანობა საუკეთესო გზაა წინსვლისთვის. მნიშვნელოვანია, რომ საქართველოს ლიდერებმა გვერდზე გადადონ უთანხმოება და გაერთიანდნენ საქართველოს ხალხის ევროატლანტიკური მომავლის სახელით. ანალიტიკოსთა შეფასებით, ამერიკის ელჩის მთავარი მოწოდება პოლარიზაციის დასრულება და პოლიტიკოსთა ერთობლივი მუშაობაა - მაგრამ საკითხავია რამდენად გაითვალისწინებენ მის მოწოდებებს მხარეები.

„სიტუაციის გაუარესებას არ ველოდებით ზაფხულში, ეს მოხდება, ალბათ, უფრო შემოდგომის პერიოდში, თუმცა ბოლო თვეების განმავლობაში იმატა ინფიცირების რიცხვმა, როგორც მთელს მსოფლიოში, ისე საქართველოშიც" - ამის შესახებ „რეზონანსთან" ინფექციონისტი ალექსანდრე გოგინავა საუბრობს და მოსახლეობას, განსაკუთრებით კი რისკჯგუფებს ვაქცინაციისკენ მოუწოდებს.

უკრაინის არმიამ რუსეთის წინააღმდეგ კონტრშეტევები გააძლიერა. თავდაცვის ძალებმა რუსების მიერ კონტროლირებად დონბასის ტერიტორიაზე მიიტანეს იერიში, სამიზნეში მოექცა სანავთობო ბაზა. თავის მხრივ, ოკუპანტებმა სარაკეტო იერიში ხარკოვის ოლქზე განახორციელეს - ერთი რაკეტა ქალაქ ჩუგუევში ერთ-ერთ შენობას მოხვდა. დაიღუპა 3 ადამიანი, მაშველებმა 4 მოქალაქის გადარჩენა და შენობის ნანგრევებიდან ამოყვანა მოახერხეს. ასეთია ომის 154-ე დღე უკრაინაში.

სამხედრო ექსპერტი ვახტანგ მაისაია „რეზონანსთან" ამბობს, რომ დასავლეთიდან მიღებულმა შეიარაღებამ საკმაოდ გააუმჯობესა უკრაინული მხარის საბრძოლო შესაძლებლობები. ზოგიერთ ასპექტში რუსებს ისეთი დანაკარგები აქვთ, რომ იძულებულნი არიან მაღალტექნოლოგიური იარაღი ირანიდან შეისყიდონ. შესაბამისად, ახლა ბევრად ეფექტური კონტრშეტევები ხორციელდება მტერზე, რამაც რუსეთი იძულებული გახადა, ეძებოს მოკავშირეები.

ივანიშვილმა საზოგადოებას კიდევ ერთხელ დაანახა, რომ ის აბსოლუტურად გულწრფელი ადამიანია და დღემდე შესაბამისი დაფასებაც აქვს - ამის შესახებ „რეზონანსთან" ანალიტიკოსმა გია აბაშიძემ, „ქართული ოცნების" დამფუძნებლის ბიძინა ივანიშვილის წერილის შეფასებისას განაცხადა, რომელიც ასევე მიიჩნევს, რომ ტექსტი საკმაოდ თამამია.

დიდი ხნის პაუზის შემდეგ, ყოფილი პრემიერ-მინისტრი და „ქართული ოცნების" დამფუძნებელი მიმდინარე პოლიტიკურ მოვლენებს წერილით ეხმიანება. რომლის ძირითადი ლეიტმოტივია პასაჟი თითქოს „გარკვეული ძალები" საქართველოს ომში ჩართვას ცდილობენ და რომ მართველმა გუნდმა ამ საკითხთან მიმართებაში სწორად იმუშავა. თუმცაღა დასძენს, რომ ეს საფრთხე უკრაინის ომის დასრულებამდე მაინც არსებობს. ივანიშვილი ადასტურებს, რომ საქართველოში აშშ-ს ელჩთან კელი დეგნანთან შეხვედრა 21 მარტს შედგა, თუმცა პირდაპირ არ სცემს პასუხს „მეამბოხე დეპუტატების" შეკითხვას სთხოვა თუ არა ელჩმა ომში ჩართვა.

გასაკვირი არ არის, რომ ოპოზიციის ნაწილს თანამშრომლობა არ სურს ხელისუფლებასთნ. ამ სამ პარტიას, „ლელოს, „სტრატეგია აღმაშენებელსა" და „ნაციონალურ მოძრაობას" გამოკვეთილი აქვს საკუთარი პოზიცია, სურთ, რომ 12 პუნქტის საკითხზე მუშაობამ ასწიოს მათი პოლიტიკური ქულები. - ამის შესახებ „რეზონანსთან" ანალიტიკოსი იგორ კვესელავა საუბრობს. მისი თქმით, თუ დავუშვებთ, რომ ეს პარტიები ითანამშრომლებდნენ ხელისუფლებასთან, მათ არ ექნებოდათ არავითარი სარგებელი, რადგან ერთობლივი პროექტი „ქართული ოცნების" სახელით გავიდოდა საერთაშორისო ასპარეზზე და ამ თანამშრომლობას ჩვენი ევროპელი პარტნიორები აღიქვამდნენ როგორც საქართველოს ხელისუფლების დამსახურებას.