ხელისუფლებას საკონსტიტუციო ცვლილებები არ აწყობს, რადგან შესაძლოა 2024 წელს პრობლემები შეექმნას და მეორეს მხრივ, ეს ყველაფერი დასავლეთთან და ოპოზიციასთან ვაჭრობისთვის სჭირდება - ამის შესახებ „რეზონანსთან" შავი ზღვის უნივერსიტეტის პროფესორმა და ანალიტიკოსმა ნიკა ჩიტაძემ განაცხადა პარლამენტის ვიცე-სპიკერის არჩილ თალაკვაძის განცხადების შეფასებისას, რომელმაც კონსტიტუციის დღესთან დაკავშირებით და პირველი მოსმენით მიღებულ საკონსტიტუციო ცვლილებებზე ისაუბრა.

არცერთი მხარე დათმობაზე არ წავა, ზავი არ იქნება - ასე ეხმაურება პოლიტოლოგი რამაზ საყარელიძე დაპირისპირებას, რომელიც 12 პუნქტიანი რეკომენდაციების შემუშავების მიმდინარეობისას მმართველ გუნდსა და არასამთავრობო სექტორს შორის წარმოიშვა. მისივე აზრით, ხელისუფლება ეცდება არასამთავრობო სექტორი, ენმ-სთან ერთად, ანტიქართულ მოვლენად გამოაცხადოს.

ევროკავშირმა რუსეთის წინააღმდეგ სანქციების მერვე პაკეტი შესაძლოა შემოდგომით დაამტკიცოს. საუბარია დამატებით ეკონომიკურ ზეწოლაზე, პერსონალურ სანქციებზე, რუსეთზე ენერგოდამოკიდებულების შემცირებასა და ასევე რუსეთის მოქალაქეებისთვის შენგენის სივრცეში გადაადგილების მთლიანი ან ნაწილობრივ შეზღუდვაზე. როგორც ჯიპას ასოცირებული პროფესორი და საგარეო პოლიტიკის ექსპერტი თენგიზ ფხალაძე „რეზონანსთან" აცხადებს, ჯერჯერობით რთული სათქმელია რაზე მოხერხდება შეთანხმება. ხოლო ის სანქციები კი რაც ზაფხულამდე დაწესდა, რუსეთის ეკონომიკას დღითი დღე პრობლემებს უქმნის და მათი ეფექტი შემოდგომიდან კიდევ უფრო შესამჩნევი იქნება.

24 აგვისტოს უკრაინა დამოუკიდებლობის დღეს აღნიშნავს და კიევი ეჭვობს, რომ მოსკოვი ამ დღესთან დაკავშირებით უკრაინელებს რაღაც ცუდს უმზადებს. ეს ეჭვი კიდევ უფრო გააძლიერა 20 აგვისტოს მოსკოვის მახლობლად მომხდარმა ტერაქტმა, რომელსაც ულტრა-ნაციონალისტური შეხედულებებით ცნობილი რუსი ფილოსოფოსის, ალექსანრდ დუგინის ქალიშვილი ემსხვერპლა. რუსებმა ამაში ღიად დაადანაშაულეს უკრაინული სპეცსამსახურები. ამის პარალელურად აშშ-ის სახელმწიფო დეპარტამენტი საკუთარ მოქალაქეებს უკრაინის დედაქალაქის დაუყოვნებლივ დატოვებისკენ მოუწოდებს.

ხმებს იმის თაობაზე, რომ უახლოეს მომავალში ქართულ პოლიტიკურ სცენაზე ახალი პარტია, თუ კონფიგურაცები გამოჩნდება ექსპერტი პეტრე მამრაძე უსაფუძვლოს უწოდებს და აცხადებს, რომ ხელოვნურად მესამე ძალის შექმნა ვერ მოხდება.

ოპოზიციის მიერ დაანონსებული „ცხელი შემოდგომის" ნაცვლად ჩვენ შესაძლოა ვიხილოთ „ნაციონალური მოძრაობის" დაშლის პროცესი, რომლისთვისაც პატარა პარტიები უკვე ემზადებიან - ამის შესახებ სამშაბათს პარლამენტის ვიცე-სპიკერმა, „მოქალაქეების" წევრმა ლევან იოსელიანმა განაცხადა. ანალიტიკოსებს ამ პროგნოზთან დაკავშირებით განსხვავებული მოსაზრებები აქვთ.

გაურკვეველი განცხადებები თავად ოპოზიციაში გაზრდის გაურკვევლობის ხარისხს - ასე ეხმაურება პოლიტოლოგი ვახტანგ ძაბირაძე „ნაცმოძრაობის“ ერთ-ერთი ლიდერის პეტრე ცისკარიშივილის განცხადებას, რომელიც საპარლამენტო ოპოზიციას მოუწოდებს: „ყველამ ერთად დატოვოს პარლამენტი“.

ირაკლი კობახიძის კრიტიკული განცხადება აშშ-ის საელჩოს მიმართ ნიშნავს, რომ „ოცნებას" აღარ აკმაყოფილებს მისგან ფორმალურად გასული 4 დეპუტატის აქტივობა და უკვე ხელისუფლების ოფიციალური წარმომადგენლებიც იწყებენ მკვეთრი პოზიციის გამოხატვას. ასე აფასებს „რეზონანსთან" საუბარში ანალიტიკოსი ვახტანგ ძაბირძე „ქართული ოცნების" თავმჯდომარის განცხადებას. მისივე თქმით, ამით „ოცნებამ" უკვე ღიად დაიწყო ანტიდასავლური პოლიტიკის გატარება.

„ნაცმოძრაობა" და ოპოზიციის ნაწილი შემოდგომიდან გააქტიურებას აპირებენ და აცხადებენ, რომ საზოგადოება ქვეყანაში „ახალ არჩევნებს აუცილებლად მიაღწევს". „ქართული ოცნებისგან" გასული დეპუტატები კი ეჭვობენ, რომ ოპოზიციას რევოლუციური სცენარი აქვს ჩაფიქრებული. რაც შეეხება „ოცნების" პოზიციას, ხელისუფლების ცვლილება მხოლოდ არჩევნების გზით მოხდება - „სხვა სურვილები, რომ ვიღაცამ გადატრიალება მოაწყოს და სადღაც შევარდეს, ეს ყველაფერი განწირულია მარცხისთვის". რას შეიძლება აპირებდეს სინამდვილეში თავად ოპოზიცია?

შეიძლება დღეს ძალაუფლება ქუჩაში აგდია, მაგრამ ოპოზიცია მას ხელში ვერ აიღებს, რადგან სუსტია - ასე აფასებს პოლიტოლოგი იგორ კვესელავა ოპოზიციის მიერ დაანონსებულ „ცხელ შემოდგომას." „რეზონანსი" მას ქვეყანაში მიმდინარე პოლიტიკურ ვითარებაზე ესაუბრა.

ხალხში რევოლუციური განწყობები მაინც არაა. არა მგონია, რომ ასეთი ლიდერების პირობებში რევოლუცია შესაძლებელი იყოს. სააკაშვილმა, რომ აქტუალობა დაკარგა, ეს უკვე ცალსახაა. ქარიზმატული და სანდო ლიდერის გარეშე კი ოპოზიციის შანსები მცირდება - ამის შესახებ „რეზონანსთან" ანალიტიკოსმა ზაალ ანჯაფარიძემ, მიმდინარე პოლიტიკური მოვლენების შეფასებისას განაცხადა.

კრემლის პროპაგანდისტის, ალექსანდრ დუგინის ქალიშვილის, დარია დუგინას მკვლელობაზე პასუხისმგებლობა რუსმა პარტიზანებმა აიღეს. როგორც „ნაციონალური რესპუბლიკური არმიის" განცხადებაშია აღნიშნული, ისინი გაჩერებას არ აპირებენ და კრემლს და ვლადიმერ პუტინს განადგურებით ემუქრებიან. ანალიტიკოს ვახტანგ მაისაიას შეფასებით, არაა გამორიცხული, რომ რუსეთში შიდა პოლიტიკური ტერორიზმის ახალი მძლავრი ტალღა დაიწყოს. რაც შეეხება კრემლის ეჭვებს კიევზე, ის ამბობს, რომ ეს სრულიად გამორიცხულია, რადგან თავად ტერორიზმის წინააღმდეგ იბრძვიან და ასეთ ქმედებას არც დასავლეთის ქვეყნები დაუჭერდნენ მხარს.