ლიბანიდან ისრაელის მიმართულებით რაკეტა ისროლეს. ინფორმაციას „ბიბისი" ისრაელის თავდაცვის ძალებზე დაყრდნობით ავრცელებს.

მათივე ცნობით, სამიზნეს საზღვარზე არსებული ისრაელის შეიარაღებული ძალების პოსტი წარმოადგენდა.

ტანკსაწინააღმდეგო რაკეტა არაბ ალ-არამშეს დასახლებასთან დაეცა.

ეს „ჰეზბოლას" მიერ რაკეტის გაშვების პირველი შემთხვევა არ არის მას შემდეგ, რაც 7 ოქტომბერს ისრაელს სამხრეთიდან „ჰამასის" მებრძოლები დაესხნენ თავს.