ამერიკის შეერთებული შტატების ახალი ელჩის, რობინ დანიგენის საქართველოში ჩამოსვლას ჩვენი გუნდი მიესალმება და წარმატებას უსურვებს, - ამის შესახებ პარტია „საქართველოსთვის" წევრმა ანა ბუჩუკურმა ჟურნალისტებს განუცხადა.

„მოხარული ვართ და მთელი ჩვენი გუნდი მას წარმატებას უსურვებს. „ქართული ოცნების" ხელისუფლების მხრიდან რა მოლოდინი მაქვს? ბუნებრივია, კარგი - არა. სხვათა შორის, სანამ ის ჩამოვიდოდა, პროპაგანდის ნიშნები „ქართული ოცნების" ხელისუფლებას უკვე დაწყებული ჰქონდა", - განაცხადა ბუჩუკურმა.

აშშ-ის ახალი ელჩი საქართველოშია. რობინ დანიგენი სახელმწიფო დეპარტამენტის ევროპისა და ევრაზიის საკითხების ბიუროში, ცენტრალური და აღმოსავლეთ ევროპის საკითხებში სახელმწიფო მდივნის თანაშემწის მოადგილის თანამდებობას იკავებდა.