უკრაინას სულ უფრო უჭირს ფინანსური მხარდაჭერის უზრუნველყოფა, ვინაიდან ძირითად დონორ ქვეყნებში მაღალჩინოსანთა ყურადღება მომავალ არჩევნებზე ინაცვლებს და გეოპოლიტიკური დაძაბულობა იზრდება. ამის შესახებ Reuters-ს უკრაინის ფინანსთა მინისტრმა, სერგეი მარჩენკომ განუცხადა.

„მე ვხედავ დიდ დაღლილობას, სისუსტეს ჩვენს პარტნიორებს შორის. ისინი ისურვებდნენ, დაევიწყებინათ ომის შესახებ, თუმცა ეს ომი, ფართომასშტაბიანი, ჯერ კიდევ გრძელდება“, – აღნიშნა მან.

მისივე განმარტებით, აპრილში გამართულ ბოლო შეხვედრასთან შედარებით, უკრაინას ახლა ორჯერ მეტი ძალისხმევა სჭირდება პარტნიორების დასარწმუნებლად, რომ კიევს მხარდაჭერა აღმოუჩინონ.