ქართული ღვინის ექსპორტი რუსეთში  11 %-ით შემცირდა. ეს დიდი ზარალია იმ კომპანიებისთვის,  რომლებიც რუსეთის ბაზარზე არიან დამოკიდებული. შექმნილ ვითარებაში გამოსავალი ახალი ბაზრების მოძიებაა, სადაც რყევებიც ნაკლებია და ვაჭრობაც უფრო საიმედოა, თუმცა არსებობს ერთი პრობლემა: ევროპულ  და ამერიკულულ ბაზარზე რომ ქართული ღვინო მოხვდეს, მეღვინეებს გაცილებით მეტი შრომა სჭირდებათ. უცხოურ ბაზარზე თავის დამკვიდრებისთვის ქართული ღვინის პოპულარიზაციაა საჭირო, ამაში კი მეწარმეებს მთავრობა უნდა დაეხმაროს.