მერვე კლასის მოსწავლის მკვლელობის საქმე შესაძლოა, თავდაყირა დადგეს. ადვოკატი ამტკიცებს, რომ ციხიდან მალე აითაჯის დედას გაათავისუფლებენ. ქალს, რომელმაც გამოძიების ვერსიით, 14 წლის შვილი აიძულა 27 წლის კაცზე ექორწინა. უფლებადამცველს ამის თქმის საფუძველს გამოძიების მიერ შეგროვებული მტკიცებულებები აძლევს.

"ტვ პირველმა" დღეს ბოლო პერიოდის ყველაზე გახმაურებული საქმის მასალები მოიპოვა.  გამოკითხვის ოქმები ტოვებს განცდას, რომ აითაჯის საქმეზე ბრალდებულ პირთა წრე შესაძლოა, გაფართოვდეს. არ არის გამორიცხული, პასუხისგებაში მკვლელის და მიეცეს. ჩვენებებიდან ირკვევა, რომ ერთ-ერთი ვინც 14 წლის აითაჯზე ფსიქოლოგიურად ძალადობდა, ასიმ ასლანოვის და იყო.