ჩვენ გვჭირდება ისრაელის გამარჯვება, „ჰამასს“ არ უნდა დარჩეს კონტროლი ღაზის სექტორში, – ამის შესახებ ისრაელში დიდი ბრიტანეთის ელჩმა, საიმონ უოლტერსმა განაცხადა.

მისივე თქმით, ისრაელმა უნდა დაიცვას ომის კანონები.

უოლტერსის განმარტებით, დიდი ბრიტანეთი შეშფოთებულია ებრაული თემის წინააღმდეგ ანტისემიტიზმის ზრდის გამო.

„ჩვენ უკიდურესად შეშფოთებულები ვართ ანტისემიტიზმის გამო. შემაშფოთებელია, რომ საპროტესტო აქციების დროს ჩვენ ვნახეთ ანტისემიტური ლოზუნგები და ზოგიერთი მოწოდება ჯიჰადის მხარდაჭერისკენ. მთავრობა პასუხობს ამაზე, ის სერიოზულად ეკიდება დიდ ბრიტანეთში ებრაელების უსაფრთხოებას“, – განაცხადა უოლტერსმა.