გაეროს გენერალური მდივანი ანტონიო გუტერეში შეძრწუნებულია ღაზაში, ალ-შიფას საავადმყოფოს წინ სასწრაფო დახმარების ავტომობილზე თავდასხმით. მანვე ხაზი გაუსვა, რომ არ დავიწყებია „ჰამასის“ ტერორისტული თავდასხმა ისრაელზე და მათ ღაზაში მყოფი მძევლების უპირობო გათავისუფლებისკენ მოუწოდა.

„ახლა, თითქმის ერთი თვის განმავლობაში, ღაზაში მშვიდობიანი მოსახლეობა, მათ შორის ბავშვები და ქალები, ალყაში მოექცნენ, უარი უთხრეს დახმარებაზე. არ მიეწოდებათ საკმარისი საკვები, წყალი და მედიკამენტები, საავადმყოფოებისა და წყლის ქარხნების ელექტროენერგიის საწვავი იწურება“, – აღნიშნა გუტერეშმა.