რუსეთის საოკუპაციო ძალების მიერ გატაცებული ლევან დოთიაშვილის მეუღლე სოფიო ანდრიაძე აცხადებს, რომ ქმრის გატაცების შესახებ 6 ნოემბერს საღამოს საათებში შეიტყო.

„ბაზრიდან ახალი მოსული იყო, დაღლილი, დაქანცული. საშინაო ფორმით არის წასული. მაქვს ყველას იმედი და ყველას ვთხოვ, თუ ვინმეს რაიმე შეუძლია, დამიბრუნონ ჩემი მეუღლე", - აცხადებს ანდრიაძე.

სახელმწიფო უსაფრთხოების სამსახურის ინფორმაციით, სოფელ კირბალის მიმდებარედ, ოკუპირებულ ტერიტორიაზე, ადგილობრივი მცხოვრების უკანონოდ დაკავების მცდელობისას რუსეთის საოკუპაციო ძალების მიერ სროლის შედეგად დაიღუპა საქართველოს მოქალაქე და უკანონოდ დააკავეს ერთი ადამიანი.