გაერო-მ დაადასტურა, რომ დღეს ღაზის სექტორში დახმარება ვერ შეაქვს, რადგან ადგილზე თანამშრომლებთან კომუნიკაციას ვერ ახერხებს.

ამის შესახებ ინფორმაციას BBC-ი ავრცელებს.

ორგანიზაციაში განმარტავენ, რომ ღაზაში სატელეფონო და ინტერნეტ კავშირი მეორე დღეა გამორთულია და დახმარების განაწილებისთვის საკმარისი საწვავი არ არის.

პალესტინელი ლტოლვილების დახმარების გაერო-ს სააგენტოს წარმომადგენელმა BBC-სთან საუბარში განაცხადა, რომ მდგომარეობა შესაძლოა სწრაფად შეიცვალოს, თუ კომუნიკაციები აღდგება და საწვავის მარაგი იქნება.