შეერთებული შტატების მიერ უკრაინის დაფინანსების საკითხის ჩიხში შესვლის გამო, ზელენსკიმ ამერიკელ კანონმდებლებთან ონლაინ ბრიფინგზე უარი თქვა. ვირტუალური გამოსვლები ბოლო მომენტში გაუქმდა, -  წერს "ბიბისი".

„ზელენსკი ვერ შემოუერთდა ჩვენს ბრიფინგს. ბოლო წუთს, რაღაც მოხდა", - განაცხადა "დემოკრატმა" სენატორმა.

ონლაინ ჩართვის გაუქმებას წინ უძღოდა უკრაინის პრეზიდენტის ოფისის ხელმძღვანელის, ანდრი ერმაკის განცხადება, რომ, თუ აშშ-ის სენატი უკრაინისთვის მეტ სამხედრო დახმარებას არ დაამტკიცებს, უკრაინა რუსეთთან ომის წაგების საფრთხის წინაშე აღმოჩნდება.