განწყობა არის ძალიან დადებითი და ამიტომაც თითქმის დარწმუნებული ვარ, რომ გადაწყვეტილებაც იქნება დადებითი. საქართველომ შეასრულა ყველა ის პირობა, რომელიც იყო დადებული და შესაბამისად ველოდებით, რომ გადაიდგას ნაბიჯი და მოგვენიჭოს კანდიდატის ტატუსი, - ამის შესახებ „ხალხის ძალის" ერთ-ერთმა ლიდერმა სოზარ სუბარმა განაცხადა.

„ოპოზიცია წინა პერიოდში ყველაფერს აკეთებდა იმისთვის, რომ საქართველოს როგორმე არ მიეღო სტატუსი, არ მონაწილეობდა რეკომენდაციების შესრულებაში. დარწმუნებული ვარ რომ არც ახლა მიიღებენ მონაწილეობას. ხელის შეშლა უკვე აღარ გამოუვათ, ეს ჩავლილი მატარებელია და ამას თვითონაც კარგად ხვდებიან. ახლა რიტორიკა შეცვალეს და ცდილობენ ისე წარმოაჩინონ თითქოს მათაც რაიმე წვლილი მიუძღვით სტატუსის მიღებაში, რაც ცხადია აბსურდია და საზოგადოებას ვერ მოატყუებენ", - განაცხადა სუბარმა.