პარტია „ქართული ოცნების“ აღმასრულებელი მდივნის მამუკა მდინარაძის განცხადებით, საქართველო ღირსებით, სიამაყით, შემართებითა და სიმართლით ევროკავშირის კანდიდატის სტატუსის მქონე ქვეყანა გახდა.

„ჩვენ დავამტკიცეთ, რომ საქართველოსთვის გზა ევროპისკენ არ არის საცალფეხო ბილიკი, ის ჩვენთვის ღირსების მაგისტრალია. ვულოცავ საქართველოს ყველა მოქალაქეს. მათ გამოიჩინეს უდიდესი სიბრძნე, დაუდგნენ გვერდით საკუთარ ხელისუფლებას და ჩვენ ყველამ ერთად შევძელით, რომ ეს დღე დამდგარიყო. ღირსებით, სიამაყით, შემართებითა და სიმართლით საქართველო დღეს უკვე ევროკავშირის კანდიდატის სტატუსის მქონე ქვეყანაა“, - აღნიშნა მამუკა მდინარაძემ.