სამების ტაძარში, სტალინის გამოსახულებიან ხატზე საღებავის შესხმის ფაქტზე შსს-მ გამოძიება დაიწყო.

საქმის წარმოება ადმინისტრაციული სამართალდარღვევათა კოდექსის 166-ე მუხლით დაიწყო, რაც წვრილმან ხულიგნობას გულისხმობს.

საქმის მასალები შემდგომი რეაგირებისთვის სასამართლოში გადაიგზავნება.

შეგახსენებთ, სამების საკათედრო ტაძარში, მატრონა მოსკოველის ხატს, რომელზეც სტალინია გამოსახული, ცოტა ხნის წინ, საღებავი შეასხეს.