დღეს სოსო პავლიაშვილი სამაგალითო ოჯახის მამაა, მაგრამ კარიერის დასაწყისში, როგორც თავად აღიარებს, ნამდვილი "ლოველასი" იყო. არტისტს ვერც კანონიერი მეუღლის არსებობა აჩერებდა - წერს რუსული მედია.
სოსო პავლიაშვილი ნინო უჩანეიშვილს სტუდენტობის წლებში შეხვდა. პირველი სიყვარული, ერთი შეხედვით, მყარ ოჯახად გადაიქცა. მათ ქორწინებაში ვაჟი, ლევანი დაიბადა, ხოლო ურთიერთობა თითქმის 20 წელი გაგრძელდა.
თუმცა, იდილია სოსო პავლიაშვილის რომანებმა დაანგრია. პოპულარობის ზრდასთან ერთად, მომღერალს თაყვანისმცემლები არ აკლდა და ვარსკვლავი სულ უფრო ხშირად ივიწყებდა კანონიერ მეუღლეს, რომელიც მას შვილთან ერთად საქართველოში ელოდებოდა, სანამ ის მოსკოვში კარიერას იწყობდა.
"სხვადასხვა ქვეყანა... ძალიან ბევრი ცდუნება იყო. ეს მთლიანად ჩემი ბრალი იყო. მე არასოდეს ვამბობდი უარს. ორი სიტყვა მისთვის - მადლობა და მაპატიე. ყოველდღე მადლიერი ვარ ნინოსი და ყოველდღე შემიძლია ვუთხრა: „მაპატიე“, - გულახდილად საუბრობს სოსო სვეტლანა ბონდაჩუკთან ინტერვიუში.
ღალატის მიუხედავად, ყოფილმა მეუღლეებმა თბილი ურთიერთობის შენარჩუნება შეძლეს. არტისტი დღემდე ინარჩუნებს მასთან კავშირს და ოჯახის სრულფასოვან წევრად მიიჩნევს.
"ვურთიერთობ თუ არა მასთან? რა თქმა უნდა! ის ჩვენი მგელია. მოსკოვში როცა ჩამოდის, ყოველთვის ჩვენთან რჩება. მაგალითად, პანდემია ერთად გავატარეთ. ჩვენ ნათესავები ვართ. ლევანიც თავის შეყვარებულთან ერთად იყო. ირას (ამჟამინდელი მეუღლის) ძმა დანიაც ჩვენთან ცხოვრობდა. ისიც ჩემი შვილივითაა. მთავარია - ქალის სიბრძნე. ეს არის, რაზეც სამყარო დგას. ნინო არ გათხოვილა. ღმერთის წყალობით, ის და ირა თბილად ეპყრობიან ერთმანეთს. სხვანაირად შეუძლებელიცაა“, - ამბობს 61 წლის პავლიაშვილი.
ამჟამად მომღერალი ბედნიერია ქორწინებაშია ირინა პატალახთან, რომელიც მასზე 17 წლით უმცროსია. სოსომ ის მაშინ გაიცნო, როცა მომავალი მეუღლე არასრულწლოვანი იყო. "მე დაველოდე ჩემს საათს, როგორც მტაცებელი“, - იხსენებდა ის ერთ-ერთ ინტერვიუში.
წყარო: ambebi.ge
სტატიების ნახვა შეგიძლიათ ამ ბმულზე
ახალი ამბების ნახვა შეგიძლიათ ამ ბმულზე