შეერთებულმა შტატებმა უკრაინის პრეზიდენტ ვოლოდიმირ ზელენსკის მიანიშნა, რომ ომში მყოფმა ქვეყანამ რუსეთთან კონფლიქტის დასასრულებლად, აშშ-ის მიერ შემუშავებული წინადადება უნდა მიიღოს, რომელიც უკრაინის ტერიტორიებისა და იარაღის ნაწილის დათმობას გულისხმობს.  ამის შესახებ ინფორმაციას Reuters-ი ანონიმურ წყაროებზე დაყრდნობით ავრცელებს. 

გამოცემა წერს, რომ წყაროს ცნობით, წინადადებები სხვა საკითხებთან ერთად უკრაინის შეიარაღებული ძალების რაოდენობის შემცირებასაც მოიცავდა. ასევე, წყაროს ინფორმაციით, ვაშინგტონს სურს, რომ კიევმა ძირითადი პუნქტები მიიღოს.