არაბთა გაერთიანებული საამიროების დედაქალაქ, აბუ-დაბიში უკრაინა-აშშ-რუსეთის სამმხრივი მოლაპარაკებები განახლდა. ინფორმაციას უკრაინული დელეგაციის ხელმძღვანელი, ქვეყნის ეროვნული უსაფრთხოების საბჭოს თავმჯდომარე, რუსტემ უმეროვი ავრცელებს.

„აბუ-დაბიში მოლაპარაკებების მეორე დღე დაიწყო. ვმუშაობთ იგივე ფორმატებში, როგორც გუშინ: სამმხრივი კონსულტაციები, მუშაობა ჯგუფებში, ხოლო შემდეგ პოზიციების სინქრონიზაცია. შედეგები - მოგვიანებით“, - დაწერა უმეროვმა „ტელეგრამის“ საკუთარ არხზე.

აბუ-დაბიში მოლაპარაკებები 4 თებერვალს დაიწყო. უკრაინულ მხარეს უმეროვის გარდა წარმოადგენენ პრეზიდენტის ოფისის ხელმძღვანელი, კირილ ბუდანოვი, მმართველი ფრაქცია „ხალხის მსახურის“ თავმჯდომარე, დავით არახამია და გენერალური შტაბის უფროსი, ანდრიი გნატოვი.