ირანის უზენაესმა ლიდერმა, აიათოლა მოჯთაბა ხამენეიმ უარყო დაძაბულობის შემცირების ან შეერთებულ შტატებთან ცეცხლის შეწყვეტის შესახებ წინადადებები, რომლებიც თეირანს ორმა შუამავალმა ქვეყანამ წარუდგინა, განაცხადა ირანის მაღალჩინოსანმა, - იუწყება „როიტერი“. 

ხამენეის პოზიცია აშშ-სა და ისრაელის წინააღმდეგ შურისძიებასთან დაკავშირებით „ძალიან მკაცრი და სერიოზული“ იყო საგარეო პოლიტიკისადმი მიძღვნილ მის პირველ სხდომაზე, აღნიშნა ოფიციალურმა პირმა, თუმცა არ დაუკონკრეტებია, დაესწრო თუ არა ლიდერი სხდომას პირადად.

აშშ-ისრაელის ომი ირანის წინააღმდეგ მესამე კვირაა გრძელდება, რომელმაც სულ მცირე 2 000 ადამიანის სიცოცხლე შეიწირა და დასასრული ჯერ კიდევ არ უჩანს.

ჰორმუზის სრუტე თითქმის სრულად დაკეტილია მას შემდეგ, რაც აშშ-ის მოკავშირეებმა უარყვეს პრეზიდენტ დონალდ ტრამპის თხოვნა სასიცოცხლოდ მნიშვნელოვანი საზღვაო გზის გახსნაში დახმარების შესახებ, რამაც ენერგორესურსების ფასების ზრდა და ინფლაციის რისკი გამოიწვია.