გერმანიის კანცლერის ფრიდრიხ მერცის განცხადებით, ევროკავშირმა უკრაინისთვის 90 მილიარდი ევროს ოდენობის სესხი დაუყოვნებლივ უნდა გადაიხადოს. ამის შესახებ „დოიჩე ველე“ წერს.

ამასთან, მერცის თქმით, რუსეთის წინააღმდეგ სანქციების მე-20 პაკეტი რაც შეიძლება სწრაფად უნდა დამტკიცდეს.

„ჩვენ არ უნდა ვითვალისწინებდეთ ევროკავშირის ერთ-ერთ ქვეყანას, რომელიც ახლა შიდაპოლიტიკური მიზეზებისა და იქ მიმდინარე საარჩევნო კამპანიის გამო ამ ბლოკადას ქმნის ევროპაში“, – განაცხადა მერცმა.

როგორც გამოცემა წერს, გერმანიის კანცლერმა უნგრეთი იგულისხმა, სადაც აპრილში საპარლამენტო არჩევნები გაიმართება.

მანამდე, უნგრეთის საგარეო საქმეთა მინისტრმა, პიტერ სიიარტომ განაცხადა, რომ უნგრეთი განაგრძობს სანქციების მე-20 პაკეტისა და 90 მილიარდი ევროს ოდენობის სესხის დაბლოკვას იქამდე, ვიდრე კიევი „დრუჟბას“ ტრანზიტს არ განაახლებს.